Author: दाश पन्न्नालाल

 

संवाहक राष्ट्रिय दैनिक

११ मंसिर , बरियारपुर— लाखौ मानिसको आस्थाका केन्द्र बाराको गढीमाई पंचबर्षिय मेला २०८१ को तयारी अन्तिम चरणमा पुगेको छ । एक महिनासम्म लाग्ने मेलामा पंचबर्षिय गढीमाई मेलाका मुल समिती अन्तर्गत बनेको २२ वटा उपसमितिले आफ्नो कार्य तिब्र गतिमा शुरु गरेको मुल समितिको महासचिव नरेश जैसवालले जानकारी दिए का छन्।

यस वर्ष मन्दिरमा  पुजापाठ शान्ति सुरक्षाको ब्यवस्थापनको जिम्मेवारी नेपाली सेनालाई दिएको महासचिव जैसवालले बताए ।

प्रत्येक  पांच बर्षमा लाग्ने यो शक्तिपिठ मेलामा खानेपानी , आवास , निशुल्क भोजनालय , शौचालय , सवारीसाधन पार्किङ लगायत भक्तजनलाई मन्दिर सम्म सहज रुपमा पुजापाठको ब्यवस्थापनको लागि मुल समिति ,उपसमिति लागि परेका उनले बताए।

शक्तिपिठ गढीमाई मेलामा शान्ति सुरक्षाको लागि मेलाको हरेक क्षेत्रमा नेपाल प्रहरी ,सशस्त्र प्रहरी , नेपाली सेना परिचालन गरिने महासचिव जैसवालले जानकारी गराए ।

मेलामा  मनोरञ्जनको साधन प्रयाप्त मात्रामा सर्कस ,मौत कुवा , झुला , ब्रेक डान्स , जल परि लगायतको मनोरञ्जनका साधन अन्तिम तयारी अवस्थामा रहेकोले मंसिर १५ गतेदेखि सम्पुर्ण मनोरञ्जनका साधन संचालन हुने भएको छ ।

त्रमेलालाई सभ्य र भब्य बनाउन नेपाल लगायत छिमेकी राष्ट्र भारतका भक्तजनलाई माताको बिशेष पुजामा सहभागी हुन मेला मुल समितिको अध्यक्ष उपेन्द्र यादवले आग्रह गरेका छन्।

     संवाहक

१० मंसिर, बरियारपुर— विश्वप्रसिद्ध गढीमाई पञ्चवर्षिय मेलामा श्रद्धालुको लागि नि:शुल्क ४० वटा बस सेवा संचालन हुने भएको छ। बारको महागढीमाई नगरपालिका बरियारपुर  मेलामा प्रवेश गर्ने मुख्य नाका ४ वटै  दिशाबाट ऐन प्याब्सन बाराले नि:शुल्क रुपमा बस सेवा संचालन गरिने जनाएको छ।

नेशनल प्याब्सन बाराको अध्यक्ष प्रभु प्रसार कुशवाहाले मंसिर २१ र २२ गतेको लागि नि:शुल्क वस सेवा संचालन गर्न प्रतिबद्धता जनाएका छन।

मेला हेर्न आउने मानिसलाई सहज र सुविधायुक्त गन्तव्यसम्म यात्राको लागि  मन्दिर आसपास क्षेत्र सम्म पुग्न सजिलो होस उद्देश्यले बस सेवा मचानन गर्न लागिएको वारा अध्यक्ष कशाचाहाले जानकारी गराएका छन्।

पञ्चवर्षिय गढीमाई मेला व्यवस्थापन मुल समितिको अध्यक्ष उपेन्द्र प्रसाद यादवलाई लिखित रुपमा ४० वटा वस सेवा संचालन गर्ने प्रतिवद्धता जनाएका छन्।

      संवाहक

९ मंसिर, बरियारपुर—-  बाराको महागढीमाईमा पंचबर्षिय गडीमाई मेला २०८१ को लगि हरेक क्षेत्रमा अनुगमनका लागि विषप्रकाश गुप्ताको संयोजकत्वमा आईतवार मुल अनुगमन समिती गठन भएको छ।

समितिको उपसंयोजक विश्वनाथ कुरावाहा सचिवमा रामजी चौरांसया सदस्यमा अधिवक्ता व्यामविहारी कुशवाहा,

धर्मेन्द्र प्रसाद यादव सुरेश यादव, सशस्त्र प्रहरी बेस क्याम्प  वरियापुर, प्ररी चौकी बरियारपुरको दल बहादुर श्रेष्ठ लगायतका  सदस्य चयन भएका छन ।

अनुगमन समितिले जग्गा व्यवस्थापन उपसमिति, बलि व्यवस्थापन उपसमिति, खानेपानी व्यवस्थापन उपसमिति, पूजा व्यवस्थापन उपसमिति लगायतको क्षेत्रमा मुल समितिले अनुगमन गर्नेछ।

अनुगमनको क्रममा गुनासो सुन्ने र तत्काल समस्या समाधान गर्ने जस्ता महत्वपूर्ण निर्णय गरिए‌को मूल अनुगमन समितिको संयोजक दिप प्रकाश गुप्ताले जानकारी गराएका छन्।।

गठित मुल अनुगमन समितिले आईतबार देखि नै गुनासी मुन्ने, कमिकमजोरी पता लगाउने समस्या आएमा समाधान गर्ने तर्फ कार्य थालने  बताईए‌को छ।

संवाहक

८ मंसिर, बरियारपुर— पर्यटन प्रबर्द्धनमा अचेल दिनहूँ मन्त्रि नेताको  ओईरो लाग्ने गरेकोमा आज संघिय सरकारको कानुन न्याय तथा संसदिय मामिला मन्त्री अजय चौरसियाले आज बाराको महागढीमाई नगरपालिका -१ स्थित बरियारपुरमा लाग्ने गढीमाई पञ्चवर्षिय मेलाको अवलोकन तथा गढीमाईको दर्शन गरेका छन्।

पशुवलीले गर्दा विश्वको चर्चामा रहेेका गढीमाई मेला व्यवस्थापनमा संघिय सरकारले आवश्यक सहयोग गर्ने बताएका छन्। गढीमाई हिन्दुहरुको आस्थाको धरोहर रहेकोमा मेला सभ्य र भव्य बनाउनमा थप जे जति सहयोगको लागि सरकारमा पहल गर्ने आश्वासन दिएका छन्।

मन्त्री चौरसियालाई  महागढीमाई नगरका मेयर यादवले स्वागत गरेका हुन्। मन्त्रिको स्वागार्थ कांग्रेसका जिल्ला स्तरका नेताकार्यकर्ता उपस्थिति रहेका थिए।

यसरी मेलाको तयारी देखि शुरु भएसम्म संघ र प्रदेशका  दर्जनौ मन्त्री र नामुद नेताको अवलोकन र दर्शन गर्न दिनहुँ ओईरो लागेको छ। मधेश प्रदेशका मुख्यमन्त्री लगायत मन्त्रीहरू गढीमाई दर्शन र मेलाको अवलोकन भ्रमणमा प्रतिबद्धता मात्रै बाँडेर कोरम पूरा गरेका छन्।

पछिल्ला दिन कांग्रेसका नेताको मेला अवलोकन र गढीमाई दर्शनको लागि स्वागत कार्यक्रममै बढी समय खर्चेको देखिएको छ।

संघिय मन्त्रीहरु छिमेकी जिल्ला पर्साका खानेपानी मन्त्री  प्रदिप कुमार यादव तथा कानुन  न्याय तथा संसदिय मामिला मन्त्री अजय चौरसिया मेलको दृश्यावलोकन गरेर फर्केका छन्।

मेलाको सम्पुर्ण व्यवस्थापकिय जिम्मेवारी नगरपालिकाका नगर प्रमुख उपेन्द्र यादव आफैले मेला अध्य्यक्ष भई मोर्चा सम्भालेका छन्। संघ  र प्रदेशको खोक्रो आश्वासन वाहेक खासै योग्दान नदेखिएको गुनाासो सुनिन थालेको छ।

मेला भर्न लाखौ स्वदेशी तथा विदेशी खास गरि छिमेकी मुलुक भारतबाट उल्लेख्य दर्शनार्थी भिड हुन्छ। मंसिर १ देखि विधिवत मेला शुुरु भएको छ। मानिसले आफ्ना ईच्छापुुर्ती हेतु पशुपंक्षिको भाकल गरि बलिको रुपमा चढाईने परम्परा सयौं वर्ष देखि चल्दै आएको हो।

आजको अवस्थामा मेलामा व्यवस्थपानमा अझै जग्गा वितरण र पसलको टहरा बनाउने मात्रै तयारी भईरहेको देखिन्छ यद्धपी पसल, पिङ लगायत मनोरञ्जका लागि टेन्ट व्यवस्थापन तिब्र गतिमा चलिरहेको छ।

   

 

 संवाहक

७ मंसिर , कलैया—  बाराका प्रमुख जिल्ला अधिकारीले गढीमाई पञ्चवर्षिय मेलामा चढाइने पशु वलीको लागि मारकले मार हान्ने हतियार खुल्ला रुपमा प्रदर्शन वा बोक्न नपाउने बताएका छन्।

• बाराको महागढीमाई नगरपालिका वडा – १ बरियारपुरमा अवस्थित श्री गढीमाई मन्दिरमा २०८१ मंसिर १ गते देखि मसान्तसम्म लाग्ने पञ्चवर्षिय गढीमाई मेला शुरु भएको छ।

सो मेलामा कुनै पनि व्यक्ति/मारकले बली चढाउनका लागि मार हान्न प्रयोग हुने तरवार, घुँडा, खुकुरी, चक्कु जस्ता हतियारलाई खुल्ला रुपमा प्रदर्शन गर्न, वोक्न वा जनजीवनलाई हतियार देखाई आतंकित पार्न नपाईने जनाईएको छ।

यदि यस सूचनाको अवज्ञा गरेको पाईएमा उक्त हतियार जफत गरी त्यस्ता व्यक्ति उपर प्रचलित कानुन बमोजिम कारवाही हुने चेतावनी सहित प्रजिअ बसन्त अधिकारीद्धारा जारी सूचनामा जनाइएको छ।