पन्नालाल दास
२२ कार्तिक, बारा — गएराती बाराको महागढीमाई नगरपालिका -९ स्थित पिप्राविर्तामा मध्यराति २ बजे भएको आगलागीबाट पशु समेत जलेर लाखौको क्षति भएको छ।
स्थानीय महादेव प्रसाद यादवको घरमा घरगोठमा मच्छर धपाउन राखेको घुरबाट सल्केर आगलागि हुनगएको स्थानीय समाजसेवी सोनालाल साहले जनाएका छन्।
घर पूर्णरूपमा जलेर खरानी भएको छ भने घरमै रहेको दुईवटा बाख्रा जलेर खरानी भएको छ। साथै सँगै बाँधिएको भैंसी डढेर गम्भीररूपमा घाइते भएको छ।
घरगोठमा लता कपडा सहित भाँडाकुडा र घर पूर्णरुपमा खरानी भएसँगै करिब डेढ लाख बराबरको क्षति भएको पीडित यादवले जनाएका छन्।
मध्यराति घरमा आगोको मुस्लो सल्केपछि पिडित परुवारले छिमेकी गुहार्दै स्थानीयको सहयोगमा आगो निभाईएको हो।
आगलागिबाट पीडित भएका मर्मात भएका पीडित परिवारले राहतकालागि गुहार मागेका छन् । तत्कालै डढेर घाईते भएको भैंसीलाई उपचारको व्यबस्था सँगै पिडित परिवारलई राहतको जरुरी रहेको छ।
