संवाहक
२९ कार्तिक, कलैया । बारामा दुई पालिकाको सिमा विवादको चेेपुवामा नागरिकलाई दोहोरो कर तिर्न बाध्या बनाइएको छ। एउटै वडालाई कलैया उप महानगरपालिकाले दावी गरेको छ भन्ने महागढीमाई नगरपालिका पनि।
त्यो वडा हो , साबिक गाविस महेशपुर वार्ड न- १ को किता नं ७ को ज.बि. १४ कट्ठा १० धुर जुन हाल महागढीमाई नगरपालिकाको वडा नं १० मा पर्दछ। सो जग्गामा पोखरी रहेको छ। जग्गाधनिले सो जग्गामा फोगचन गर्दै माछापालन समेत गरेकोमा तेरो मेरोको विवाद हुँदै आएको छ।
यो जग्गाको पालिकाको नक्शा अनुसार महागढीमाई नपाले मालपोत रसिद लिईरहेको छ। मालपोतको मुल्याँकन किताबमा पनि माहगढीमाई नपा नै उल्लेख छ। सिफारिस पनि त्यहीबाट भई बैंकिङ्ग कारोबार, जमिन पास लगातका मालपोतबाट हुने गरेको अवस्था छ। पालिकाबा पाउने सेवा सुविधा महागढीमाईको अनुसार उनीहरु उपभोग गरिरहेकोमा कलैया उप महानगरपालिकाको दावीले महेशपुरका मानिस आजित बनेका छन्।
तर कलैया उपमहानगरपालिकाले बलजफ्ती् त्यस जग्गामा हकदाबी रहेको बताउदै छ। समस्या दुई पालिकाको सिमाना भन्दा त्यहाँका नागरिकले भोग्ने पीडा र तिर्ने अनाश्यक दुई पालिकामा कर हो।
त्यहाँका बासिन्दाको केही जमिन कलैयामा पर्ने भएको हुँदा कलैया उपमहानगरबाट रसिद तिर्न जादा महागढीमाईको नक्सामा पर्ने जग्गाको पनि रसिद कटाउनु पर्छ ,अनि मात्र कलैयाको जमिनको रसिद काट्ने गरेको स्थानिय शशिकान्त यादवले बताएका छन्।
व्यक्तिको जग्गामा कलैया उपमहानगरपालिकाले विवाद सृजना गरेको स्थानियको आरोप छ। गत साउन ५ मा कलैया उपमहानगरपालिकाले एक्लौटी नाप नक्सा गरि किला गाडेको विवादमा महागढीमाई नगरपालिकाको नगरप्रहरी जनप्रतिनिधि सो किल्ला खुट्टा उखेलेर फालेका थिए। दुईटै पालिकाको नगरप्रहरीकको बिच झडपको अवस्थासम्म हुन पुगेका थिए।
सिमाना कहाँ हो छुट्याउनु भन्दा नागरिक सँग एउटै जमिनको कति पालिकालाई कर तिर्ने? प्रश्न त्यहाँनिर छ। जग्गाको चार किला प्रमाणित, जग्गाको मुल्याँकन बैंकिङ्ग सिफारसिमहागढीमाईबाट भई कार्य भईरहेको महागढीमाई नपा वडा नं १० का वडा अध्य्यक्ष चन्दन साहले बताए। वडाअध्यक्ष साह भन्छन् ,साध सिमाना साविक गाविस महेशपुरको १ नं वडा हाम्रो क्षेत्रमा पर्दछ, यसमा कलैया उपमहानगरको विवाद अनुचित हो। जनतालाई दु:ख दिनु भएन।
पालिका नक्साङ्कनमा कलैया उपमहानगरपालिकाको क्षेत्र महेशपुरको १ नं वडा समेटेको देखिदैन्। साध सिमाना कलैया उपमहानगरको २६ नं वडा महागढीमाई नपाको १० नं वडासँग जोडिएको छ। जसमा महेशपुर १ नं महागढीमाई मै राखिएको सब प्रमाणको बावजुद नागरिक किन दोहोरो करको मारमा छन्?सरोकारबाला निकायको ध्याान जानू पर्दछ स्थानियको कथन छ।्
पालिका सिमा छुट्याएको दशक लागे अनि स्थानिय निर्वाचनको दोस्रो कार्यकालको मध्य अवस्थामा समेत सिमा विवादमा नागरिकलाई सास्ती किन?
