Author: दाश पन्न्नालाल

 संवाहक

अनलाईन/ राष्ट्रिय दैनिक

२३ चैत, सिम्रौनगढ—  सिम्रौनगढ स्थित वि.ओ.पि.गोलागंजले शनिवार बिहान अ. साढे ९ वजेको समयमा  सिम्रौनगढ नगरपालिका – ६ अमरपुर सिमा ईलाकामा भारतबाट अवैध रुपमा ल्याउदै गरेको अवस्थामा भारतिय फुलका विरुवा बरामद गरेको छ।

वि.ओ.पि.का ईन्चार्ज सशस्त्र प्रहरी निरीक्षक ईश्वर कार्कीको कमाण्डमा खटि गएको ४ जनाको मोटरसााईकल गस्ती टोलीलाई देखि अवैध रुपमा भारतबाट २ जना व्यक्तिले २ वटा मोटरसाईकल मा क्यारेटमा राखी नेपाल तर्फ ल्याउदै गरेको फुलका क्यारेट सहितको वेर्ना फालिएको अवस्थामा फुलका बिरुवा बरामद गरिएको जनाएको छ।

विभिन्न जातका फुलका २ हजार ४ सय  गोटा अ.मुल्य रु.२ हजार ४ सय बरावरको सोही स्थानमा गस्ति टोली देखि छाडी मोटरसाईकल लिई भागेको हुँदा उक्त फुलका बिरुवा बरामद गरिएको सशस्त्र प्रनि कार्कीले जनाएका छन्।

बरामद गरी ल्याईएका उक्त अबैध फुलका भारतिय बिरुवा विओपी  गोलागंज बारामा ल्याई वडाका जनप्रतिनिधि ,नेपाल प्रहरी र संचारकर्मीको रोहवरमा वि.ओ.पि. परिसरमा खाल्टो खनी पुरि नष्ट गरिएको छ।

यति थोरै विरुवाको समाउनु र नष्ट नै गरिहाल्नु पर्ने कारण बारे  सशस्त्र प्रनि कार्कीले भने, विरुवाको जरामा रहेको माटोमा जैविक किटाणु मौजुद हुन्छ। यसको असर हाम्रो माटोमा पनि फैलिने खतरा भएकोले यसबाट सुरक्षित राख्न क्वारेन्टाईनको माटो परिक्षण विज्ञअनुसार  खाल्टोमा पुरेर नष्ट गर्नु उपयुक्त हुने बताईएको हँदा  नष्ट गर्नु परेको उनको भनाई रहेको हो।

२२ चैत, कलैया — मानवत – मटिअर्वा सडक खण्ड तीन किलोमिटर सडक वर्षात अघि नबने कलैया उपमजानगरपालिकाका मेयर बिनोद साहले आमरण अनशन बस्ने सार्वजनिक घोषणा गरेपछि संसदिय अनुगमन समिति सडक निरिक्षण गर्न आज विहानै कलैया आएका छन्

 संवाहक 

अनलाईन / राष्ट्रिय दैनिक

२१ चैत, कलैया–मानवत – मटिअर्वा सडक खण्ड अन्तर्गत कलैया उपमहानगरपालिका स्थित बाँकी रहेका तीन किलोमिटर अधुरो सडक बनाउन मेयर बिनोद साहले  कलैयाको भरत चोकमा आमरण अन्सनमा बस्ने आज आफ्नै कक्षमा पत्रकार सम्मेलन गरि घोषणा गरेका छन्।

अथक प्रयासका बावजुद बाटो बमाउन सरकार गम्भीर नभएकोले र चुनाव जितेपछि मेरो कार्यकालमा अधुरो सडक बनाउने प्रतिबद्धताले जनतामाझ प्रतिषपठा दाउमा लागेको छ ,उनले भने।  ठेकेदारले बाटो बनाउन बहानाबाजी गर्दै दु: ख दिएकोले अब अन्तिम विकल्पको रुपमा सरकारलाई दबाब  दिन ७ दिनको अल्टिमेटम सहित आमरण अन्सनमा बस्ने उनले बताए।

नागरिक मेयरलाई सब थोक बुझिरहेेका छन्। त्यो स्वभाविक पनि हो । संघिय सरकार देखि प्रदेश सरकारमा आफ्नै पार्टी सांसद विधायक , नगरपालिकाका मेयर उपमेयर सहित नगर सभासदस्य समेत आफ्नेै भएपनि पहल कदमी गर्दा गर्दै थाकिसकेकोले आमरण अन्सन रोजेको  उने भने।

संसदमा झिनामसिना कुरामा अवाज उठाउने तर यत्रो वर्ष देखि अलपत्र अवस्थामा रहेको सडकको विषयमा मुखै खोल्न नसक्नेलाई कुन रुपमा लिने चिन्ता व्यक्त गरे। उबडखाबड  परेको सडक खण्डमा सांसदको गाडी दुर्घटना हुन्छ, सांसदलाई कलैया प्रवेशमा नागरिकबाट अडचन हुन्छ। विडमबना तीन तहमा सरकारको नेतृत्व र वर्चस्व रहेपनि निरीह जस्तो भान भएको उनको गुनासो रहेको छ।

सांसद एमालेकै, प्रदेश समसद एमाले कै र स्थानिय तह स्वयम् आफै हाकिरहेको अवस्थामा नागरिकबाट दिनरात ट्रोल हुनु आफै आजित भएकोले यस्तो कदम उठाउन बाधय भएको छु, मेयर साहले बताए।

एक हप्ताको समयसिमा दिएको छू, यसअवधि भित्र बाटो बनाउन अग्रसरता देखाए जेजे सहयोग चाहिने सब लगाएर चाँडो भन्दा चाँडो भद्रुा रुपमा देखिएको सहरको मुहार सुन्दर बनाउने हुटहुटी छ उनले प्रतिबद्धता गरे।

यसबिच ठेेकेदार मन्त्री डिजि लगायत सम्बन्धित निकायसँग काठमान्डौ गएर मन्त्रालय प्रधानमन्त्रीसँग समेतलाई घच्चघच्याउने छु, यसको बावजुद दिएको अल्टिमेटम भित्र सुनवाई भएन भन्ने काठमान्डौ देखि जुन दिन फिर्ता हुन्छु चाहे नव दिन लागेपनि सॐही दिन देखि अनसनमा बस्ने उनले बताए।  सडकले दिनरात गिज्याईरहेको र सडकखण्डको देखिने दृश्यले आत्मग्लानी महसुस  भइरहेकोले अब नबने कहिले बन्छ? भन्दै आमरण अन्सन एक्लै बस्ने चाहे ज्यानै किन नजाओस भनि उदघोषले अब बाटो बन्छ कि नागरिकमा अलि आशा पलाएको छ।

बाटो बनाउन  मैरो सरकार मेरो नेताले उदघटान गर्छ, कालोपत्रो बनाउन प्रतिबद्धता सहित क््यौं पटक ठुलै नेताबाट सिलान्यास हुन्छ तर उस्ताको उस्तै भन्दा पनि झन झन विग्रिदै गएको छ। हिलामय र धुलामयले सास्ती खेपिरहेका नागरिक आजित भई ढाठ भठा लगाई  दुई अघि बाटो अवरुद्ध गरेपछि मेयर पनि बाटोको लागि तातेका छन्।

बाटो बनाउने जिम्मा सघिय सरकारले ठेकेदारलाई दिएको छ।नगरपालिकाको बजेटले बनाउन नसकिने प्राविधिक कारण छ। बुलाकी सडक अन्तर्गत तीन किमि अधुरो सडक खण्डकले दुर्घटना निम्त्याएसँगै स्वास्थ्यमा प्रतिकुल असर पारिरहेको छ। मानिस विभिन्न रोगका सिकार बन्दै गएका छन्। वाटोको कारण वातवरण प्रदुषण फैलिएको छ। बााटो छेउका बासिन्दा आउजाउ देखि धुलो हिलोले २४ औं घन्टा आजित भएका छन् भन्ने मेयरको राजनितिक साख पनि कमजोर गर्न राजनिति भईरहेकोले बाटो पिच नभई नहुने अवस्थामा छ।

ठेेकेदार विचैमा काम छोडी भुक्तानीको बहानामा भाग्दै गरेको अवस्थामा कलैया सहर कुरुप देखिएको छ। संस्कार एफएम देखि शितलपुरसम्मको बाटो ग्रावेल उबडखावड सडक छिन्नभिन्न अवस्थामा छ।

सडक यस्तो देखेर नगरबासीले बाटो बनाउन दबाब दिदै आएका छन्।  सडक कै कारण नागरिकले बारम्बार नगरप्रमुख साह बिरुद्ध टायर बाल्ने प्रदर्श गर्ने कार्यले बदनामी बेहोर्नु परिरहेको छ। बाटो पिच नहुँदा धुलो रोक्न पानी छडकावले नगरको बजेटको अनावश्यक  खर्च बढेकै छ।

संवाहक

अनलाईन/ राष्ट्रिय दैनिक

सरोज दास–

१९ चैत, कलैया—

मधेस प्रदेशका गृह, सञ्चार तथा कानुन मन्त्री राजकुमार लेखीले राजतन्त्र नेपालमा कहिल्यै नफर्किने दाबी गर्दै राजावादीहरूको आन्दोलनले कुनै प्रभाव पार्न नसक्ने बताएका छन्।

हाल देशमा करिब एक प्रतिशत हाराहारीमा रहेको राजावादी समूहले आन्दोलन गरे तापनि त्यसले कुनै परिवर्तन नल्याउने स्पष्ट पारे। उनले हिंसात्मक आन्दोलनले नागरिकहरूलाई झन् आक्रोशित बनाउने भएकाले यस्ता गतिविधिमा संलग्न दोषीहरूलाई कानुनी कारबाही गर्नुपर्ने धारणा व्यक्त गरे।

मन्त्री लेखीले मधेस प्रदेशका सञ्चारमाध्यम र पत्रकारहरूको अवस्था सुधार गर्न सरकार प्रतिबद्ध रहेको बताउदै यस विषयमा आवश्यक अनुसन्धान गरी उचित नीति निर्माण गर्न चाँडै नै पाँच सदस्यीय समिति गठन गर्ने घोषणा गरे। समिति सञ्चारमाध्यमका चुनौतीहरू पहिचान गरी सुधारका उपायहरू सुझाउने जिम्मेवारीमा रहनेछ उनको धारणा थियो।

मिडिया काउन्सिल मधेस प्रदेशको आयोजना तथा नेपाल पत्रकार महासंघ महासंघ बारा जिल्ला शाखाको समन्वयमा पत्रकार आचार संहिंता पलना सम्बन्धी गोष्ठीलाई कलैयामा सम्बोधन गर्दै प्रमुख अतिथी समेत रहेका मन्त्री लेखीले ९५ प्रतिशत भन्दा बढी गणतन्त्र पक्षधर रहेको नेपालमा जाबो ५ प्रतिशतको हाराहारीमा रहेका प्रतिगमन चाहने ब्यक्तिले राजा ल्याउने कुरा गर्ने दिवा सपना रहेको बताए ।

गणतन्त्रको बिकल्प अरु केही हुन नसक्ने भन्दै मन्त्री लेखीले लोकतन्त्रको पक्षमा संघियताको पक्षमा, समान्ताको पक्षमा, यो मुलुकको बिकास र समृद्धिका पक्षमा यहाका राजनेतिक दलहरु, संचारकर्मी लगायत गणतन्त्र पक्षधरका सम्पुर्ण वर्ग, समुदायहरु एउटै थलोमा उभेर प्रतिगमनकारी राजावादीहरुलाई लखेटनु पर्दछ उनले भने ।

पत्रकारहरु र संचार गृहहरुका लागि संरक्षण एवम सम्वर्द्धन गर्न तथा सुरक्षाका लागि पनि स्वास्थ्य बिमा मात्र होईन, दुर्घटना बिमा मात्र होईन अव पत्रकारहरुको जीवन बिमा गर्ने तिर प्रदेश सरकार अगाडी बढने प्रतिवद्धता ब्यक्त गरे।

पत्रपत्रिका, रेडियो , टिली भिजन, अनलाईनहरुलाई अझै व्यवस्थित गरि सना लगानीका मिडियाहरुलाई पनि बाच्ने सम्मको कामकाज अगाडी बढाउन एवम क्षमता अभिवृद्धि गर्न, तालिकहरुको संचालन गर्न लगायतका सुधारका कार्यक्रमहरुलाई अझै प्रभावकारी रुपमा अगाडी लानका लागि एउटा समिति बनाएर अगाडी बढने सोच अनुरुप अगाडी बढीरहेको स्पष्ट पारे ।

सोही कार्यक्रमलाई सम्बोधन गर्दै मधेश प्रदेश सभा सदस्य देवनारायण चौधरीले आचार संहिता पुर्णरुपमा लागु गर्न आजको सामाजिक सञ्जालको दुनियामा अतिआवश्यक रहेको बताए।

नेपाल पत्रकार महासघका केन्द्रीय सदस्य सिकेन्द्र पासवानले
स्व. पत्रकार सुरेश रजकका हत्यारालाई कानुनको कठघेरामा ल्याउने सरकारसंग माँग गरे ।  राजावादीका केही अराजक समुहले अन्य पत्रकारहरुलाई कुटपिट गर्नु,अंगभंग गर्नु, संचार गृहमा तोडफोड, आगजनी गर्ने समुहलाई पनि कार्यवाहीका दायरामा ल्याई क्षतिपुर्ति समेत उपलब्ध गराउदै पत्रकारको सुरक्षाको ग्यारेन्टी हुन पर्नेमा जोड दिए।

उक्त गोष्ठीमा नेपाल पत्रकार महासंघका केन्द्रिय सदस्य राजेश कर्णले सहजीकरण गरेका थिए। पत्रकारले के कसरी आचाारसंहिताको पालना गर्ने मिथ्या र भ्रामक सामाचार प्रकाशन प्रशारण गर्न पुर्व ख्याल गर्नु पर्ने सहभागीबाट आएका जिज्ञासा मेटाएका थिए।

यसैगरि, नेपाल पत्रकार महासंघका मधेश प्रदेश अध्यक्ष शयाम बञ्जाराले संञ्चारकर्मी माथि बर्बर दमन भईरहेको प्रति चिन्ता प्रकट गरे । अचारसहिताले पत्रकारहरुलाई सही मार्गमा ल्याउन महत्वपुर्ण भुमिका निर्वाह गर्ने बताए ।

कसैको दवाव र प्रभावमा नपरी स्वतन्त्र र निस्पक्षमा रुपमा पत्रकारिता गर्नुपर्ने बताउदै अहिले पत्रकारिता प्रति जनबिश्वास गुमीरहेको उनले औल्याए ।उनले भारतिय सञ्चारमाध्यमहरुले नेपालको गणतन्त्र गईसक्यो भनेर भ्रामक समाचार प्रशासरण गरी रहेको समेत बताए । उनले समाज प्रति जिम्मेवार भएर पत्रकारिता गर्न सचारकर्मी संग  सजग र सतर्क भएर काम गर्न सुझाए।

पत्रकारहरुको जिवन बिमा र पत्रकारहरुका लागि समेत नागरिक लगानी कोष राख्नु पर्नेमा उनले जोड दिए । बन्द कोठा भित्र बनाएको कानुन पत्रकार माथि लादन खोजे सहय नहुने उनको भनाई थियो।पत्रकारले सिंगो समाज प्रभावित हुने समाचार लेख्न नहुने उनको भनाई रहेको थियो ।

कान्सिलका कार्यवाहक अध्यक्ष कैलाश दासले सहभागिबाट उठेको जिज्ञासामा आफु पाएको जिम्मेवारीसम्म मधेश प्रदेशका भरि पत्रकारको आचाारसंहिता पालना देखि विभिन्न कार्य गरेको बताए। थोरै समयमा मिडिया काउन्सिललाई ट्याकमा ल्याउने कार्य गरेको उनले बताए। बारा शाखाको कार्यबाहक अध्यक्ष पन्नालाल दासको पहलमा बाराली संचारकर्मी संचारगृहका प्रकाशक सम्पादकलाई मध्यनजर गरि कार्यक्रम गरेको उनले जानकारी गराए।

उक्त गोष्ठीमा नेपाल पत्रकार महासंघका कार्यबाहक अध्यक्ष पन्नालाल दासले अचार संहिताले अहिले जुन हिसाबले समाजमा संचारकर्मी र सिंगो मिडियालाई समाजमा देख्ने  नजरिया बदलेको छ त्यसलाई वास्तविक मानेमा यथार्तरक बनाउन पत्रकारिता पेशा अंगालेका पत्रकारहरूलाई पेशमा निखार ल्याउने बताए ।

जसरी फेेयर एण्ड लब्लीले अनुहारको चाया पोते हटाई सफा र गोरो बनाउन मद्दत गर्छ, त्यसैगरि आजको आचारसंहिताको कार्यक्रमले पुर्ण पालना गर्ने तर्फ धेेरै कुरा स्पष्ट पारेको छ।

पित पत्रकारिता र सामाजिक सञ्जालको दुरुपयोगले कयौं पत्रकार मुद्दा खेेपी थुना बस्नु परेको प्रति ईंगित गर्दै त्यो अवस्था नआओस भन्ने सुझाएका थिए। महासंघले आचारसंहिता विपरीत र पत्रकारिताको खोलमा गलत गर्नेको पक्षमा पैरवी नगर्ने समेत स्पष्ट पारे । यस्ता सौखका रुपमा पत्रकारिता अंगालेकाले आचाारसंहिता बारे राम्री अध्ययन गरि बदनामीबाट अक्षुण राख्न बारा शाखाका कार्यकवाहक अध्यक्ष पन्नालाल दासले जोड दिए।

उनले महासंघका कार्यबाहक दासले भने, अन्य ठाँउमा हुन लागेको कार्यक्रमलाई मेरो विशेष आग्रहमा मडिया काउन्सिलाका कार्यवाहक अध्यक्ष कैलाश दासले पत्रकारको लागि आचारसंहिता सम्बन्धि गोष्ठी संचार तथा गृहमन्त्री राजकुमार लेखिको प्रमुख आतिथ्यमा बाराली पत्रकार र संचारगृहका प्रकाश सम्पादकको लागि महासंघको सभा हलमा सफलतापुर्वक सम्पन्न गर्न र समन्वयको अवसर प्रदान गरेकोमा आयोजक प्रति आभार प्रकट गरेका थिए।

महासंघलाई चलायमान बनाउन आफु सदैव तत्पर रहेको भन्दै कार्यबाहकको दायित्व निर्वाहमा स्व. पत्रकार सुरेश रजकको राजावादी आन्दोलनमा भएको हत्यालाई केन्द्रीय सर्कुलर अनुसार विरोधका कार्यक्रम तय भएदेखि सफलता पुर्वक सम्पन्न गर्दै आएको कार्यक्रममा साथै आजको प्रदेश स्तरीय मिडिया काउन्सिलको गोष्ठीले नवप्रवेशी पत्रकारको लागि कोशेढुङगाको रुपमा रहेको आचारसंहिता गोष्टीमा सहभागिता जनाई सफलतापुर्वक सम्पन्न गर्न  अथक सहयोग गर्ने सम्पुर्णमा हार्दिक धन्यवाद कृत्ज्ञता व्यक्ता गरे।

नेपाल पत्रकार माहसंघ बारा शाखाको समन्वयमा तथा मिडिया काउन्सिल मधेश प्रदेश जनकपुरधामको आयोजनामा पत्रकार आचारसहिंता पालना बारे गोष्ठमा प्रेस सेन्टर नेपालका केन्द्रीय सदस्य एवं महासंघका पुर्व उपध्यक्ष रामबाबु मेहता, पत्रकार महासंघ मधेश प्रदेशका अध्यक्ष शयाम बञ्जारा , कोषाध्यक्ष अनिल कुमार गौरव , प्रदेश सदस्य बृजमोहन कुश्वाहा, महासंघ पुर्व अध्यक्ष त्रय गुरुप्रसाद गौतम , लक्ष्मी साह, कमल कुमार उपाध्याय , नेपाल प्रेस युनियन मधेश प्रदेश अध्यक्ष एवं जिल्लाका वरिष्ठ पत्रकार सत्यप्रसाद श्रेष्ठ,  युनियनका मधेश प्रदेश सदस्य रामेश्वर मेहता, प्रेस चौतारी मधेश प्रदेशका ईन्चार्ज अच्युत पौडेल, आदिवासी जनजाती महासंघ प्रदेश अध्यक्ष तथा महासंघका सहसचिव दुश्यन्त चौधरी, प्रेस चौतारी जिल्ला अध्यक्ष थानेश्वर सापकोटा, प्रेस सन्टरका जिल्ला अध्यक्ष एवम् महासंघका कोषाध्यक्ष रन्जन यादव,मेचिकाली मिडिया सोसाईटीका अध्यक्ष एवम् महासंघका केन्द्रीय पार्सद भोजराज भट्टराई , आदिबासी जनजाती महासंघका जिल्ला अध्यक्ष एवं कार्यसमिति सदस्य धिरेन्द्र पनुहर, दलित पत्रकार संघका जिल्ला अध्यक्ष उपेन्द्र पासवान, कार्यसमिति सदस्य नवीन चौधरी,” प्रभु यादव, प्रहलाद तिमिल्सेना, नारायण पौडेल, श्रमजिवी पत्रकार संघका जिल्ला अध्यक्ष शिवशंकर मिश्र, पर्यटन पत्रकार संघका जिल्ला अध्यक्ष पवन यादव, प्रेस युनियनका जिल्ला सचिव राजेश कुश्वाहा, सदस्य संदिप यादव लगायतका उल्लेख्य संचारकर्मी र विभिन्न संचारगृह  अनलाईन, दैनिक पत्रिकाका प्रकाशक सम्पादकहरुको सहभागितमा सम्पन्न भएको हो।

बुधवार सम्पन्न उक्त गोष्ठीमा मिडिया काउन्सिल मधेस प्रदेशका कार्यवाहक अध्यक्ष कैलाश दासको अध्यक्षतामा सम्पन्न गोष्टीमा स्वागत काउन्सिलका अधिकृत फनिन्द्र ढुगेल र सहजीकरण नेपाल पत्रकार महासंघका मधेस प्रदेशका कोषाअध्यक्ष अनिल कुमार गौरवले गरेका थिए ।