नवनिर्वाचित प्रतिनिधिसभा सदस्यद्वारा पद तथा गोपनीयताको शपथ

काठमाडौं, चैत १२ — नवनिर्वाचित प्रतिनिधिसभा सदस्यहरूले आज पद तथा गोपनीयताको शपथ लिएका छन्।
बिहीबार सिंहदरबार स्थित नयाँ संसद भवनको बहुउद्देश्यीय हलमा आयोजित कार्यक्रममा प्रतिनिधिसभाका ज्येष्ठ सदस्य अर्जुननरसिंह केसी ले सांसदहरूलाई शपथ गराएका हुन्।
सङ्घीय संसद् सचिवालयका अनुसार कुल ४७ जना सांसदले नेपालीबाहेक अन्य भाषामा शपथ लिएका छन्। नेपालको संविधान को धारा ९९ तथा धारा ९१ को उपधारा (५) र प्रतिनिधिसभा सदस्य निर्वाचन ऐन, २०७४ को दफा ७५ अनुसार पद तथा गोपनीयताको शपथ लिने कानुनी व्यवस्था रहेको छ।
गत फागुन २१ गते सम्पन्न प्रतिनिधिसभा सदस्य निर्वाचनको परिणामअनुसार राष्ट्रिय स्वतन्त्र पार्टी ले सबैभन्दा धेरै १८२ सिट जितेको छ। त्यसैगरी नेपाली कांग्रेस ले ३८, नेकपा एमाले ले २५, नेपाल कम्युनिस्ट पार्टी ले १७, श्रम संस्कृति पार्टी ले ७ र राष्ट्रिय प्रजातन्त्र पार्टी ले ५ सिट प्राप्त गरेका छन्।
नवनिर्वाचित सांसदहरूको शपथसँगै अब प्रतिनिधिसभाको आगामी बैठक तथा संसदीय प्रक्रिया औपचारिक रूपमा अघि बढ्ने अपेक्षा गरिएको छ।