८ माघ,बारा । प्रतिनिधिसभा निर्वाचनको चहलपहल बढिरहेका बेला बारा क्षेत्र नम्बर–२ बाट उम्मेदवार बनेका जनमत पार्टीका नेता सिए राजेश साह सवारी दुर्घटनामा घाइते भएका छन्।
कलैयाबाट आफ्नै निवासतर्फ जाँदै गर्दा पचरौता नगरपालिका–५ (चिकनी गाँउ) नजिक विपरीत दिशाबाट आएको मोटरसाइकलसँग ठोक्किँदा कुशवाहा दुर्घटनामा परेका हुन्। दुर्घटनामा उनको दाहिने खुट्टामा गम्भीर चोट लागेको जनमत पार्टी मधेस प्रदेश समितिका सदस्य गजानन्द यादवले जानकारी दिए।
घाइते कुशवाहालाई तत्काल उद्धार गरी कलैयास्थित एपल्स अस्पताल पुर्याइएको छ, जहाँ उनको उपचार भइरहेको छ। चिकित्सकका अनुसार अवस्था गम्भीर भए पनि खतरा भने टरेको जनाइएको छ।
निर्वाचनको मुखमा भएको यस दुर्घटनाले बारा–२ को चुनावी माहोलमा चासो थपेको छ। साह हाल जनमत पार्टीका तर्फबाट सक्रिय चुनावी अभियानमा रहेका थिए।
दुर्घटनाको कारणबारे थप अनुसन्धान भइरहेको प्रहरी स्रोतले जनाएको छ।
