संवाहक
अनलाईन/ राष्ट्रीय दैनिक
सरोज दास–
२७ फागुन, कलैया– बारा प्रहरीले ६ जना फरार प्रतिवादी पक्राउ गरी जिल्ला अदालत, कलैयामा दाखिला गरीएको प्रहरीले जनाएको छ।
प्रहरी कारवाहीको सिलसिलामा प्रहरी ईकाइ कार्यालयहरूबाट खटिएको प्रहरी टोलीले बारा जिल्ला अदालत कलैयाबाट दण्ड सजाय तोकिएको मुद्दामा बरदात पश्चात फरार रहेका थिए ।
पक्राउ पर्नेमा चोरी कसुरमा १ महिना कैद र १० हजार जरिवाना पाएका कलैया उपमहानगरपालिका – २३ का महेश प्रसाद कुशवाहा, लागू औषध मुद्दामा २ वर्ष २ महिना कैद सहित १ लाख २० हजार जरिवानामा कलैया – १८ का मुस्ताक अंसारी र कुटपिट,लुटपिट मुद्दामा ३ हजार दण्ड पाई फरार रहदै आएका कलैया – ३ का रमेश प्रसाद यादव रहेका छन्।
यसै गरि, कुटपिट,लुटपिट कसुरमा तीन हजार जरिवानामा कलैया – ३ का महेश प्रसाद यादव , कुटपिट,लुटपिट मुद्दामा – ३ हजार जरिवानामा कलैया -३ का बिसमतिया देवी ,चोरी कसुरमा २ दिन कैद र २ हजार जरिवानामा कलैया – १९ का गणेश पटेल सहित ६ जनालाई अस्थाई प्रहरी पोष्ट गंगापुरले पक्राउ गरेको जनाएको हो।
अदालतबाट दण्ड जरिवाना पाई फरार रहदै आएका मानिसहरूलाई खोज तलास गरी लुकिछिपि बसेको अवस्थाबाट गत २६ गते पक्राउ गरी आवश्यक कारवाहीको लागि जिल्ला अदालत कलैयामा दाखिल गरिएको जिल्ला प्रहरी प्रवक्ता एवम् सूचना अधिकारी डिएसपी बिजय राज पण्डितले जानकारी गराएका छन्।