कलाैया ३१ साउन जिल्ला प्रहरी कार्यालय बाराले ६२ किलो लागू औषध गाँजा बरामद गरेको छ। साथै लुकाई छिपाई लगिरहेको ना १ ज ८४५८ नम्वरको हाईस गाडी समेत प्रहरीले नियन्त्रणमा लिईएको जनाएको छ।
साउन ३० गते बिहान ०५:४० बजेको समयमा प्रहरी चौकी पथलैया बाट प्रहरी सहायक नरिक्षक हरिन्द्र प्रसाद यादवको कमाण्ड्मा खटिएको प्रहरी टोलीले चेकजाँचको क्रममा पक्राउ गरेका हुन्।जितपुर सिमरा उप-महानगरपालिका – १ पथलैया चोक स्थितमा नियमित चेज जाँच गर्ने क्रममा निम्म नम्बरको गाडीलाई रोक्दा नरोकी फरार भएको जनाईएको छ । 
शंका लागी उक्त गाडीलाई खोज तलासको क्रममा जिसिउमनपा- १ हुलाश प्याक्ट्री स्थित रोकी राखेको अवस्थाबाट उक्त गाडी नियन्त्रणमा लिईएको बताईएको छ। 
गाडी भित्र लुकाई छिपाई राखेको लागू औषध गाँजा बरामद गरी आवश्यक कानुनी प्रकृया अगाडी बढाईएको जिल्ला प्रहरीका प्रवक्ता तथा सूचना अधिकारी प्रहरी नायब उपरिक्षक प्रकाश सापकोटाद्धारा जारी विज्ञप्तिमा उल्लेख गरिएको छ।
