६ माघ,कलैया । आगामी फागुन २१ गते हुने प्रतिनिधिसभा निर्वाचन लाई लक्षित गर्दै राष्ट्रिय स्वतन्त्र पार्टी (रास्वपा)ले बारा जिल्लाका चारै निर्वाचन क्षेत्रमा आफ्ना उम्मेदवारको टुंगो लगाएको छ। उम्मेदवार चयनसँगै रास्वपाले बारामा औपचारिक रूपमा चुनावी प्रतिस्पर्धामा प्रवेश गरेको संकेत दिएको छ।
पार्टी निर्णयअनुसार बारा निर्वाचन क्षेत्र नम्बर १ बाट गणेश धिमाल, क्षेत्र नम्बर २ बाट चन्दन सिंह, क्षेत्र नम्बर ३ बाट इञ्जिनियर अरबिन्द साह र क्षेत्र नम्बर ४ बाट रहबर अन्सारी लाई प्रतिनिधिसभा सदस्यको उम्मेदवारका रूपमा अघि सारिएको छ।
निर्वाचन आयोगको कार्यतालिकाअनुसार आज माघ ६ गते मनोनयन दर्ता हुँदैछ। सोही सन्दर्भमा रास्वपाले समयमै उम्मेदवार टुंग्याउँदै संगठन परिचालन, चुनावी सन्देश र मतदाता सम्पर्क अभियानलाई तीव्र बनाउने तयारी थालेको जनाएको छ।
प्रतिक्रिया
