संवाहक
अनलाईन/ राष्ट्रिय दैनिक
१२ बैशाख, कलैया–– बाराख देवताल गाँउपालिका-७ स्थित बेनौली चोकको पसलमा गएराती पौने एघाह्र बजे आगोलागि भएको छ। आगोलागिबाट लाखौको मालसमान डह्रेर नष्ट भएको प्रहरीले जनाएको छ।
वेनौली चोकमा बिनोद साहको घर र गुम्ती पसल भाडामा लिई दौवताल -५ बस्ने ललन महतोले संचालन गरेको नास्ता पसलमा अचानक आगलागी भएको बताईएको छ।
आगोलागिबाट गुम्ति र पसलमा भएका सर -सामानहरु जली नष्ट भएको छ। आगोलागिको खवर पाएसँगै उक्त स्थानमा रहेका अस्थायी प्रहरी पोष्ट बेनौलीबाट प्रहरी सहायक निरिक्षकको कमाण्डमा गएको टोली, दमकल,प्रहरी र स्थानियको सहयोगमा एक घण्टको प्रयासमा पौने बाह्र बजेको समयमा आगो पुर्ण रुपमा नियन्त्रणमा आएको प्रहरीको भनाई छ।
उक्त आगोलागिबाट देवताल गाँउपालिका – ५ बस्ने ललन महतोको नास्ता पसलमा रहेको ग्यास सिलिन्डर २ थान,ग्यास चुलो २ थान,२ काट्टुन अण्डा,बेन्च र टेवल सिलिङ फ्यान,चिउरा भुजाङ,काठहरु गरी अं.१ लाख ४८ हजार बराबरको क्षती भएको छ।
त्यस्तै, उक्त आगोलागिको चपेटामा परि छिमेकी देवताल गाँउपालिका -७ बेनौली बस्ने जमुन ठाकुरको सैलुन पुर्ण रुपमा जली अं.३० हजार बराबरको क्षती भएको छ ।
भन्ने सोही ठाँउका भोज मियाँको मासु पसलको गुम्ति र बिभिन्न सर-सामानहरु जलेर करीब ३५ हजार गरि तीनै जनाको पसलका मालसमान २ लाख ३३ हजार बराबरको क्षती भएको जिल्ला प्रहरी कार्यालय बाराका प्रवक्ता एवम् सूचना अधिकारी प्रहरी नायब उपरिक्षक विजय राज पंडितले जानकारी गराएका छन्।
