Category: कृषि

संवाहक 

अनलाईन / राष्ट्रिय दैनिक

१९ मसिर, गढीमाई मेला बरियारपुर—-  नेपाल सरकारको गृहमन्त्री रमेश लेखकले आज गढीमाईको दर्शन पुजा गरेका छन्।

बाराको महागाढीमाई नगरपालिकाको बरियारपुर पुगेर गृहमन्त्री रमेश लेखकले गढीमाईको दर्शन गर्नुको साथ साथै मेलाको अवलोकन तथा शान्ति सुरक्षाको निरिक्षण गरेेका हुन्।

गृहमन्त्री  लेखकले गढीमाई मन्दिरका पुजारीको हाथ बाट टिका र प्रसाद समेत ग्रहण गरेका छन्

।विश्व प्रसिद्ध गढीमाई मेलाले नेपाललाई अन्तर्राष्ट्रिय स्तरमा ठूलो पहिचान दिएकोले गढीमाई मन्दिरको संरक्षण लगायत मेलालाई सभ्य र भब्य बनाउनमा नेपाल सरकार प्रतिबद्ध रहेको गृहमन्त्री  लेखकको भनाई रहेको छ।

।गढीमाई मेलालाई ब्यवस्थित बनाउनको लागि आफुले सुरक्षाको दृष्टिकोणले कुनै पनि कसर बाँकी नरहने गरि प्रमुख जिल्ला अधिकारीलाई निर्देशन दिएको मन्त्री लेखकले बताएका छन।

गढीमाई मेला पाँच बर्षमा एक पटक लाग्ने भएकोले मेलामा दर्शनार्थीहरुको चाप बढी हुने गरेकोले सुरक्षामा कुनै कसर बाकी नरहने आवश्यक परेमा थप सुरक्षाकर्मीलाई मेलामा खटाईने गृहमन्त्री रमेश लेखकले सन्चारकर्मीहरु संगको कुराकानीमा बताए ।

महागढीमाई नगरपालिकाका नगरप्रमुख उपेन्द्र प्रसाद यादवसँग गृहमन्त्रीले गढीमाई मेलाको अवलोकन गरेर सुरक्षा ब्यवस्थापनको बारेमा जानकारी लिएका छन्।

गृहमन्त्रीले सुरक्षा ब्यवस्थापनमा गृह मन्त्रालयले कुनै कमि बाँकी नरहने प्रतिबद्धता समेत गरे।

महागढीमाई नगरपालिकाका मेुर उपेन्द्र यादवले देशका मन्त्रीहरिुको मेला अवलोकनबर गढीमाई मन्दिरमा दर्शन पुजाआजाले धार्मिक पर्यटन बढाउन तथा यसबाट थप उर्जा मिलेको भन्दै धन्यावद दिएका थिए।

 मंसिर ०१ गते देखि सुरु भएको गढीमाई मेला मंसिर ३० गते सम्म चल्ने छ ।गढीमाई दर्शन गर्न आएका गृहमन्त्री रमेश लेखकलाई महागढीमाईका नगर प्रमुख उपेन्द्र यादव लगायत सम्पुर्ण गढीमाई मेला मुल ब्यवस्थापन समिति लगाुत  कांग्रेसका नेता कार्यकर्ताले फुप माला लगाई स्वागत सम्मान  गरेका हुन्।

संवाहक

अनलाई / राष्ट्रिय दैनिक

 चन्द्रभुषण कुमार 

१८ मंसिर, बरियारपुर,  नेपाल सरकारको उप-प्रधान तथा शहरी विकास मन्त्री प्रकाशमान सिंहले विश्व प्रसिद्ध  बाराको बरियारपुर गढीमाई मेलाको अवलोकन तथा निरिक्षण गरेका छन्।

मंगलबार  शहरी बिकाश मन्त्री सिंह महागढीमाई नगरपालिकाको बरियारपुर पुगेर गढीमाई मन्दिरमा माताको दर्शन गर्नुको साथ साथै मेलाको अवलोकन तथा निरिक्षण गरेका हुन् ।

प्रत्येक पाँच पाँच बर्षमा लाग्ने विश्व प्रसिद्ध गढीमाई मेला मंसिर ०१ गते देखि सुरु भएको छ । विश्व प्रसिद्ध गढीमाई मेला दर्शन तथा अवलोकन गर्न पुगेका शहरी बिकाश मन्त्री प्रकाशमान सिंहले गढीमाई मेलाले बिश्वमै नेपालको एउटा  छुट्टै पहिचान बनाएको बताए।

।उनले भने´गढीमाई दर्शन गर्न आउँदा मनोकामना र आफुले मागेको कुरा पूरा हुन भएकोले आफुले दर्शन गर्न पाउँदा निकै खुशी महसुस गरेको छु । गढीमाई मन्दिर मधेश प्रदेशको मात्र अस्था नभएर यो पुरै नेपालको ठूलो धार्मिक स्थल रहेको छ।

गढीमाई मेला बिश्वमै पशु बलिको लागि प्रख्यात मेला हो । यहाँ नेपाल,भारत लगाएत विभिन्न देशबाट दर्शनार्थीहरु  गढिमाईको दर्शन गर्न आउने गरेको छ । यस बर्षको गढीमाई मेलामा मंसिर २३ र २४ गते पशु बलि दिइने कार्यक्रम तय भएको छ ।

अहिले  गढीमाई मेला अवलोकन गर्न आउने दर्शनार्थीहरुको घुइँचो लागेको मेला मुल ब्यवस्थापन समितिले जनाएको छ । गढीमाई मेलाको अवलोकन तथा निरिक्षण गर्न आएका शहरी बिकाश मन्त्री प्रकाशमान सिंहलाई गढीमाई मेला मुल ब्यवस्थापन समितिका अध्यक्ष एवं महागढीमाई नगरपालिकाको नगरप्रमुख उपेन्द्र प्रसाद यादवले मेलाको ब्यवस्थापन र आवश्यक समाग्री बारे मन्त्रीलाई जानकारी गराए ।

नगरप्रमुख यादवले भने´गढीमाई मेलालाई भब्य र सभ्य बनाउनको लागि केन्द्र देखि लिएर प्रदेशका मन्त्रीहरुले आएर अवलोकन तथा निरीक्षण गर्नु हामी बारा बासिको लागि गर्वको कुरा रहेको बताए ।

संवाहक 

अनलाईन / राष्ट्रिय दैनिक

सरोज दास

 १८ मंसिर, बरियारपुर– मधेश प्रदेश सरकारले  गढीमाई मेलामा हुने विशेष पुजाको लागि मधेश प्रदेशमा एक दिन सार्वजनिक बिदा दिएको छ।

बाराको महागढीमाई नगरपालिका वडा – १ बरियारपुरमा लाग्ने विश्व प्रसिद्ध गढीमाई पञ्चवर्षिय मेलाका अवसरमा मंसिर २३ गते आइतबार मधेश प्रदेश सरकारले सार्वजनिक बिदा दिने निर्णय गरेको छ ।

मंगलबार बसेको मन्त्रिपरिषद बैठले गढीमाई मेलाको लागि विदाको निर्णय गरेको हो।

मुख्यमन्त्री सतिशकुमार सिंहले गढ़ीमाई प्रति लाखौं श्रद्धालु भक्तजनको गहिरो आस्था र दृढ विश्वास रहँदै आएकाले विशेष पूजा हुने दिन सार्वजनिक बिदा दिएको जानकारी गराएका हुन्।

प्रदेशको धरोहरको रूपमा स्थापित गढीमाई मेलामार्फत घरेलु पर्यटन विकासलाई थप बलियो बनाउनेगरी बिदा दिएको उनको भनाइ छ ।

मंसिर ०१ गते देखि सुरु भएको विश्व प्रसिद्ध गढीमाई मेला मंसिर ३० गतेसम्म चल्ने छ । मंसिर २३ गते रङा र २४ गते खसी र बोकाको बलि दिइने कार्यक्रम तय भएको मेला ब्यवस्थापन समितिले जनाएको छ ।

मधेश सरकारको यस्ता निर्णयले आन्तरिक तथा बाह्य धार्मिक पर्यटनमा टेवा पुर्याउनेछ, सँगै गढीमाईको ऐतिहासिक आस्था र  धर्म संस्कृतिलाई मद्दत मिलने भएकोले महागढीमाई नगरपालिकाका नगरप्रमुख एवम् गढीमाई मेला मुल व्यवस्त्थापन समितका अध्यक्ष उपेन्द्र प्रसाद यादवले गढीमाई मेलाको अवसरमा दिइएको विदामा धन्यवाद ज्ञापन गरेका छन ।

संवाहक

अनलाईन / राषट्रिय दैनिक

१७ मंसिर, कलैया— जिल्ला प्रहरी मातहतका प्रहरी इकाईले  गाडी चेेकजाँचको क्रममा आज विलविजक नभएको झण्डेै सावा ६१ लाख बराबरको समान नियन्त्रणमा लिएको बारा प्रहरीले जनाएको छ।

विभिन्न प्रहरी ईकाइ कार्यालयहरूबाट खटिएका प्रहरी टोलीहरूले  गाडीहरूलाई रोकी चेकजाँच गर्दा बिल भरपाई भन्दा बढी, समानको स्रोत खुलाउन नसकेको र आवश्यक कगजात नभएको अं.मुल्य रू. ६१ लाख १३ हजार ८ सय ५५ रूपैया बराबरको विभिन्न समानहरू नियन्त्रणमा लिई आवश्यक कारवाहीको लागी राजश्व अनुसन्धान कार्यालय पथलैया बारामा बुझाईएको प्रहरी प्रवक्ता एवम् सुचना अधिकारी प्रहरी नायब उपरिक्षक प्रकाश सापकोटाले जानकारी गराएका छन्।

ईलाका प्रहरी कार्यालय अमलेखगंजले  मंसिर १६ गते ११:२० बजेको समयमा  सिमरा उप-महानगरपालिका वडा – २१ अमलेखगंज चोकमा प्रहरी बरिष्ठ नायब उपरिक्षक टेक बहादुर कार्कीको कमाण्डमा खटिएको प्रहरी टोलीले जीतपुरबाट काठमाण्डौ तर्फ जादै गरेको प्र.३-०१-००५ ख ९४२२ नम्बरको ट्रकमा लोड गरेको अं.मुल्य रू.३ लाख ३६ हजार ७ सय ७ रुपैया बराबरको चिनी-३५ बोरा, आलु- ६ बोरा, प्याज- ५ बोरा लगायत अन्य खुद्रा समानहरू नियन्त्रणमा लिइएको जनाएको छ।

यसैगरि, ईलाका प्रहरी कार्यालय जीतपुरले
आज बिहान साढे तीन बजेको समयमा जीतपुर सिमरा उप-महानगरपालिका वडा नं.७ जीतपुर चोकमा प्रहरी नायब निरिक्षक मोहनारायण रायको कमाण्डमा खटिएको प्रहरी टोलीले वीरगंजबाट पथलैया तर्फ जादै गरेको ना ८ ख ८२८६ नम्बरको ट्रकमा लोड गरेको अं.मुल्य रू.३१ लाख ७९ हजार २२ रुपैया बराबरको तिरपाल,मोविल, पसास्टिक सतलि, सुटके, बकरम लगायत अन्य खुद्रा समानहरू समाएको छ।

त्पस्तै, प्रहरी चौकी पथलैयाले आज बिहान अं.०७:१० बजेको समयमा  जीतपुर सिमरा उप-महानगरपालिका वडा नं.१ पथलैया चोकमा प्रहरी बरिष्ठ नायब निरिक्षक रोशन अधिकारीको कमाण्डमा खटिएको प्रहरी टोलीले वीरगंजबाट काठमाण्डौ तर्फ जादै गरेको प्र.०२-०३-००१ ख ३६८९ नम्बरको ट्रकमा लोड गरेको अं.मुल्य रू.२५ लाख ९८ लाख १ सय २६  बराबरको अटोपार्ट, लालीपप, चनादाल लगायत अन्य खुद्रा समानहरू नियन्त्रणमा लिइऐको बताईएको छ।

    संवाहक 

अनलाईन / राष्ट्रिय दैनिक

१७ मंसिर , बरियारपुर — उपराष्ट्रपति रामसहाय यादवले विश्व प्रसिद्ध गढीमाई मन्दिरमा विशेष दर्शना तथा पुजापाट गरेका छन्।

नेपाली सेनाको हेलिकप्टरबाट मन्दिरमा आएका उपराष्ट्रपति यादवलाई मन्दिरको मुख्य पुजारी मंगल चौधरीले पुजा गराएको थियो ।
पुजाआजा पश्चात आयोजित भेटघाट कार्यक्रमलाई सम्बोधन गर्दै उपराष्ट्रपति यादवले प्रत्येक पाँच बर्षमा लाग्ने यो गढीमाईको मेला ऐतिहासिक, धार्मिक महत्व बोकेले मेलालाई मर्यादित एवम शान्ति सुरक्षाको प्रत्याभुत गराउने सुरक्षाकर्मीहरुलाई निर्देशन दिएका हुन् ।

मेलामा आउने दर्शनार्थीहरुलाई सहज रुपमा दर्शन गराउने वतावरणको सृजना गर्नुपर्ने बताउदै उपराष्ट्रपति यादवले मेला सहज   मर्यादित रुपमा सम्पन्न होस सबैलाई शुभकामना दिए।

मेलामा सबै राजनितिक दल, सुरक्षा निकाय, नागरिक समाज, पत्रकार जिल्ला बासी एवम देशबासीहरुले यसलाई चासोको रुपमा लिई एतिहासिक रुपमा सम्पन्न गर्नका लागि सबैले अभिभरा ग्रहन गर्नुपर्ने कुरामा जोड दिएका हुन।

मेलामा नागरिकलाई शुद्ध खानेपानी, सुलभ शौचालय, सित लहरबाट जोगिनका लागि कपडा, आगो ताप्ने व्यवस्था मिलाउन मेला समितिलाई निर्देशन समेत दिए ।

मेलामा कुनै प्रकारको कमीकमजोरी नहोस त्यसका लागि सुरक्षा निकाय सहज र सचेत हुनु पर्दछ उपराष्ट्रपति यादवले भने । मेला सभ्य भव्य र मर्यादित बनाउन सबैको सहयोग आवश्यक रहेकोले  राज्यले सहयोग गर्ने कुरा बताउदै मेलाको सफलताको शुभकामना दिएका छन्।