​बहुला कुकुर नियन्त्रण बाहिर रहेको र लगातार मानिसहरूलाई  टोक्दै हिँडेको स्थानीयले बताएका छन्। आक्रमणबाट घाइते हुनेहरूमा नेपाल पत्रकार महासंघका पूर्व उपाध्यक्ष राकेश पाण्डेय पनि रहेका छन्।

उनले दिएको जानकारीअनुसार, उनी मोटरसाइकलमा भरतचोक तर्फ जाँदै गर्दा कुकुरले लखेटेर टोकेको हो। मानिसलाई हेर्ने वितिकै झम्टिदै टोक्ने गरेको छ।

टोकाईबाट गहिरो घाउ भएपछि प्रादेशिक अस्पताल कलैयामा इन्जेक्सन उपलब्ध नभएकोले उपवचार हुन नसकेपछि पर्सा स्थित विरगंज नारायणी उपक्षेत्रिय अस्पतालमा उपचार गराई घर फर्केको उनले बताए।

​घटना पछि स्थानीयवासीमा त्रास फैलिएको छ। कुकुर दक्षिण तर्फ लागेकोले सो क्षेत्रका बासिन्दालाई थप सतर्क रहनुपर्ने जरुरी छ।

स्थानीय प्रशासनलाई तत्काल बहुला कुकुरलाई नियन्त्रणमा लिई रेबिज लगायतका संक्रमणबाट बच्ने उपायहरू अपनाउन पीडित तथा स्थानीयहरूले माग गरेका छन्।

​रेबिजको उच्च जोखिमलाई ध्यानमा राख्दै, टोकाईबाट घाइते भएका सबैलाई अविलम्ब रेबिजविरुद्धको खोप (एआरभी) लगाउन स्वास्थ्यकर्मीहरूले सुझाएका छन् । झारफुकको भरमा नबस्न समेत आग्रह गरिएको छ।

सरोकारवाला निकाय बहुला कुकुर नियन्त्रण र उपचारमा लाग्नुपर्दछ।