दास पन्नालाल
कलैया, २४ भदौ—
बारा नागरिक समाजले काठमान्डौमा हिजो भएको जेन जी को प्रदर्शनमा प्रहरीको गोलीवाट मत्यु घाइते भएका युवा विद्यार्थी प्रति दु:ख र चिन्ता व्यक्त गरेको छ।
राज्यद्धारा गरिएको यस्तो घटनाले देशमा कठिन परिस्थिति सृजना भएको भन्दै नागरिक समाज बारा समाजका अध्यक्ष उमेशलाल दास द्धारा हस्ताक्षरित विज्ञप्ति जारी गरिएको छ।
भदौ २३ गते सोमवारका दिन युवा पुस्ताका जेन जी को देशभरीमा ठूलो संख्यामा नेपाली जनताको अधिकार प्राप्तीका लागि प्रदर्शनमा उत्रेका थिए।
वाक स्वतन्त्रता बहाल, सुशासन कायम गर्न र भष्टाचार नियन्त्रण गर्ने पवित्र उद्देश्यका साथ काठमाडौमा शान्तिपुर्वक आन्दोलन गरिरहेको अवस्थामा राज्यको ठुलो दमन सहित प्रहरी, प्रशासनबाट मानव अधिकारको अधारभूत मूल्य मान्यता समेतलाई आत्मसाथ नगरी मानव अधिकारको ठाडो उल्ड्गधन गरि निर्मम तरिकाचाट गोली हानी करिब २ दर्जन युबा बिधार्थीहरुको हत्या गरेको विज्ञप्तिमा उल्लेख छ।
सो विरोध प्रदर्शनमा सयौंलाई घाईते बनाएको घटना प्रति बारा नागरिक समाजले घोर भत्सना गर्दै हार्दिक सम्वेदना प्रकट गरेक ि छ।
राज्यमा शान्ति पुर्वक आन्दोलन गरि न्याय माग्दा त्यसका साटो राज्य, सरकारबाट गोली पाउनु संघिय लोकतान्त्रिक गणतन्त्र नेपाल तौहिन भएको नागरि समाजको बुझाई रहेको छ।
संविधानमा शान्ति पुर्वक आन्दोलन गर्न अधिकार रहेको अवस्थामा छाती र टाउकामा ताकी ताकी गोली हान्नु प्रहरी प्रशासनको गम्भिर त्रुटी मात्र होईन गम्भिर अपराध गरेको नागरिक समाजको ठहर रहेको छ ।
घटनामा मृत्यु वरण भएकोलाई शहिद घोषणा, घाईतेहरुको यथोचित उपचार, मृतकका परिवारजनलाई रोजगारी उपलब्ध गराउन सरकार संग जोडदार मांग गरिएको छ।
आन्दोलनको क्रममा भएको क्षति, तोडफोड प्रति दु:ख व्यक्त गर्दै घटनाको सुक्षम रुपमा जाँचपडताल गरि एउटा शक्तिशाली आयोग बनाई जो जो दोषी छन ती सबैलाई कानुनको दायरामा ल्याउन बारा नागरिक समाज अपिल गरेको छ।
जेनजिमा आवद्ध भएको देश भरीका आम युवा विधार्थीहरुलाई जिम्मेवार भई बिना हिंसा शान्ति पुर्वक रुपमा अधिकार प्राप्तीका लागि अगाडी बढन वारा नागरिक समाजले आग्रह गरेका छन्।
नागरिकलाई शान्ति पुर्वक बाँच्न पाउने अधिकारको ग्यारेन्टी गर्ने, वाक स्वतन्त्रता बहाल गर्न, कानुनी राज्यको अनुभति गराउन, सुशासान कायम गर्न, दण्डहिन्ता अन्त्य गर्न, भष्टाचारलाई निर्मूल गर्न समाजमा रहेको विकृति, विसंगतिलाई हटाउदै सभ्य समाजको निर्माण गर्दै नागरिकको मौलिक अधिकार गाँस, बास र कपासको उचित प्रवन्ध गर्न सरकार सम्वेदनशिल हुनुपर्नेमा बारा नागरिक समाजका अध्यक्ष दासले बताएका छन्।
