बारा प्रहरीद्धारा ३ जना फरार प्रतिवादीहरू पक्राउ

संवाहक 

अनलाई  / राष्ट्रिय दैनिक

१४ मंसिर, कलैया– बारा प्रहरीले बिभिन्न मुद्दामा अदालतबाट दोषी ठहर भई कैद सजय जरिवाना पाएका ३ जना फरार प्रतिवादीहरूलाई पक्राउ गरेको  छ।

प्रहरी कारवाहीको सिलसिलामा  जिल्ला प्रहरी कार्यालय  मातहतका प्रहरी ईकाइहरूबाट खटिएको प्रहरी टोलीले बारा जिल्ला अदालत कलैयाबाट दण्ड सजाय तोकिएका  मुद्दामा बरदात पश्चात फरार रहेका मानिसहरूलाई खोज तलास गरी लुकिछिपि बसेको अवस्थाबाट आज १४ गते पक्राउ गरी आवश्यक कारवाहीको लागी सम्मानित बारा जिल्ला अदालत कलैयामा दाखिला गरिएको प्रहरीले जनाएको छ।

पक्राउ पर्नेमा विश्रामपुर गाँउपालिका -१ का बिनय कुमार पटेल चेक अनादर कसुरमा जरिवाना रु १ हजार, फेटा गाँउपालिका – ३ कारामनरेश बैठा धोवी चेेक अनादर कसुरमा रु १ हजार जरिवाना र

करैयामाई गाउँपालिका -४ का पंचन कुमार महतो चेक अनादर कसुरमा रु ५ सय जरिवाना अदालतबाट पाएर फरार रहदै  लुकिछिपी  बस्दै आएकोमा पक्राउ गरि अदालतमा दाखिला गरिएको प्रहरी प्रवक्ता डिएसपी प्रकाश सापकोटाले जानकारी गराएका छन्।