३१ भाद्र कलैया। बाराको पूर्ब पश्चिम राजमार्ग स्थित उनासि भन्ने पुलमा बस दुर्घटनामा एक जनाको मृत्यु भएको छ भन्ने ४३ जना यात्रु घाईते भएका छन ।
गएराति एक बजे काकडभिट्टा देखि दाङ तर्फ जादै गरेको ना ८ ख ११६४ नं. को बस अनियन्त्रित भई पुलबाट ८ मिटर तल खस्दा बसमा सवार सबै घाईते भएका हुन ।
मृत्यु हुनेमा दाङ देउखुरी गटवा ५ बस्ने अन्दाजी बर्ष ४५ को चेतन राय यादब रहेका छन । उनको उपचारको क्रममा मृत्यु भएको हो ।
दुर्घटनामा १० जना सिकिस्त घाईतेलाई बयोधा अस्पताल बिरगंजमा थप उपचारका लागि रिफर गरिएको छ । अन्य सामान्य घाईतेको निजगढमै उपचार भईरहेको छ । घाईते सबैको पहिचान खुलेको छ।
घाईतेहरुको स्थानीय सामुदायिक प्रसुती गृह अस्पताल र सि.टी अस्पताल निजगढमा उपचार भईरहेकोमा सिकिस्त घाईते भएकाहरुलाई थप उपचारका लागि बिरगन्जको बयोधा अस्पताल पठाईएको छ ।
सख्त घाईते भई बिरगन्ज रिफर गरिएकाहरुमा बस चालक सल्यान सारदा नपा ३ बस्ने ४० को भोला ब. भण्डारी, प्युठान सरुमाइरानी ३ बस्ने बर्ष ४६ को ईमा राम सुनार र सुर्खेत भेरी गंगा नपा ११ बस्ने बर्ष २५ को सोनु बि.क. रहेका छन ।
त्यसैगरी अर्घाखाची सितागंगा ७ निवासी २७ बर्षिय रोम बहादुर राउत, प्युठान बांगेशाल नपा १ निवासी ३५ को बल बहादुर दमाई, सल्यान सारदा ५ बस्ने बर्ष ५५ को बल बहादुर मगर रहेका छन । त्यस्तै दाङ मटिअर्वा ५ बस्ने बर्ष ३५ को दयाराम यादब, दाङ राजपुर बर्ष २१ को चितराम यादब, प्युठान हंसपुर ३ बस्ने बर्ष ५९ को गंगाराम बि.क., धनकुटा चौबिसकोटी ५ बस्ने बर्ष ३५ की खेम कुमारी याखा रहेका छन ।
अगाडिको पट्टा भाचिदा बस दुर्घटना भएको ईलाका प्रहरी कार्यालय निजगढका प्रहरी निरिक्षक सुमित कुश्वाहाले बताएका छन्।
