- ८ भाद्र,कलैया । बारा प्रहरीले जुवातास खेल्ने १३ जनालाई शुक्रबार साढे तीन बजे दिउँसै पक्राउ गरेको छ ।
प्रहरीले महागढीमाई नगरपालिका-१ स्थित मोतीलाल कुश्वाहाको घरमा छापामारी गरेर १३ जना जुवाडेलाई पक्राउ गरेको हो ।
कुश्वाहाको घरमा जुवा संचालन भईरहेको विशेष सुचनाको आधारमा जिल्ला प्रहरी कार्यालय बाराबाट खटिएको प्रहरी टोलीले छापामारी गरेर कुश्वाहा सहित १३ जनालाई पक्राउ गरिएको प्रहरी उपरीक्षक महेन्द्र खडकाले जानकारी गराएका छन् ।
जुवा खेल्दै खेलाउदै गरेको अवस्थामा रंगे हात पक्राउ पर्नेमा जिल्ला बारा, महागढीमाई नगरपालिका वडा नं -१ का राजेन्द्र साह कानु, मनोज प्रसाद कुशवाहा , बिनोद प्रसाद, मोतिलाल प्रसाद , जतिकर हुसेन, मोतिलाल प्रसाद कुशवाहा, राजु प्रसाद कुशवाहा, अच्छे कस्तुरी साह रहेका छन्।
त्यस्तै महागडीमाई -२ राजकिशोर प्रसाद कुशवाहा, वर्ष ४१ को जितेन्द्र तिवारी रहेका छन्।
भन्ने जिल्ला बारा, सुवर्ण गाँउपालिका – २ बस्ने सुकदेव प्रसाद यादव र मुस्ताक खान पैठान गरि तेह्र जना जुवाडे पक्राउ परेका छन्।
उनीहरुको साथबाट एक लाख ७१ हजार दुई सय ८० रुपैयाँ नगद बरामद गरिएको प्रहरीले जनाएको छ ।
पक्राउ परेकाहरुमाथी आवश्यक कानुनी कार्बाही अगाडि बढाईएको प्रहरी नायब उपरीक्षक सापकोटाले जानकारी दिए ।
कुश्वाहाको घरमा लामो समयदेखी जुवा संचालन हुँदै आएको स्थानीयले बताएका छन । जुवा लतमा क्यौंले आफ्ना सम्पति बेचेर विलिबाठ बनेका एक बृद्धले बताईए।