७ भदौ, तनहुँ । तनहुँको आँबुखैरेनी गाउँपालिका- २ ऐना पहरा नजिकैबाट यात्रु बाहक बस मर्स्याङ्दी नदीमा खसेर भारतीय नागरिक सवार मध्ये मृत्यु हुनेको संख्या २७ जना पुगेको छ।
मृतक सबैको पोखरामा पोस्टमार्टम गरेर परिवारलाई शव बुझाइने भएको छ ।
बसमा ४३ जना पर्यटक सवार थिए। शुरुमा १४ र पछि थप १३ जना मृत फेला परे। भन्ने घाईते १६ जनालाई उपचारका लागि नेपाली सेनाको हेलिकप्टर मार्फत काठमान्डौ पुर्याइएको छ।
तनहुँका प्रमुख जिल्ला अधिकारी जनार्दन गौतमका अनुसार दुर्घटनामा मृत्यु भएका २७ जना शवको पोखरा स्वास्थ्य विज्ञान प्रतिष्ठानमा पोस्टमार्टम गरेर आफन्त तथा परिवारलाई बुझाइने छ । शव पोखरा ल्याउने तयारी भइरहेको उनले बताए ।
तनहुँको दमौलीमै पोस्टमार्टम हुने भए पनि भारतीय दूताबासको आग्रहमा पोखरा ल्याउन लागिएको हो । पोखरा भारतीय दूताबासको कन्सुलर कार्यालय रहेकाले पनि उनीहरुले ल्याउन चाहेको बताइएको छ ।
भदौ ४ गते बेलहिया नाकाबाट ८ दिनको रुट परमिट लिएर नेपाल भित्रिएको थियो । उनीहरु २ दिन पोखराको स्पोर्ट्स होटलमा बसेर काठमाडौं हिँडेको थिए ।
