दास पन्नालाल–
१५ चैत्र, काठमाडौं । प्रधानमन्त्री बालेन्द्र शाहले आफ्नो कार्यसम्पादनलाई थप प्रभावकारी बनाउन सल्लाहकार टोली विस्तार गरेका छन्।
उनले प्रमुख सल्लाहकारका रूपमा कुमार बेन (कुमार व्यञ्जनकार)लाई नियुक्त गरेका छन् भने राजनीतिक सल्लाहकारमा असीम शाहलाई जिम्मेवारी दिएका छन्। दुबै बालेनका निकट र विश्वासिला सहयोगीका रूपमा परिचित छन्।
बालेन्द्र शाह काठमाडौं महानगरपालिकाको मेयर रहँदादेखि नै कुमार र असीमसँग सहकार्य गर्दै आएका थिए। उनीहरूको नियुक्तिलाई निरन्तरता र विश्वासको संकेतका रूपमा हेरिएको छ।
यसैक्रममा, रवि लामिछानेसँग बालेनको सहकार्य निर्माणमा पनि यी दुईको भूमिका उल्लेखनीय रहेको बताइन्छ। ललितपुरस्थित कुमार बेनको घर र काठमाडौंको गैह्रीधारास्थित असीम शाहको कार्यालयमा भएका छलफलहरूले उक्त राजनीतिक समझदारीको आधार तयार पारेको स्रोतको दाबी छ।
नयाँ सरकारको रणनीति र निर्णय प्रक्रियामा यी सल्लाहकारहरूको भूमिका महत्वपूर्ण रहने अपेक्षा गरिएको छ।
