मदिरा सेवनबाट सुवर्णमा तीन जनाको मृत्यु, प्रहरी बेखबर

१ असोज, बारा—-  घरेलु रक्सी सेवनका कारण बारामा तीन जनाको मृत्यु भएको छ । बाराको सुवर्ण गाउपालिका वडा नं. ३ पचगछिया टोलका  सोमबार राती तीन जनाको मृत्यु भएको छ।

मृत्यु हुनेमा सोही स्थानका  ४५ बर्षका गोपाल यादव,  ५० बर्षको ऐजाजुल मिया र  २७ बर्षिय डिबुवा भन्ने रामसुरथ यादव रहेका छन

स्थानियको अनुसार गोपालको स्थानिय अस्पतालमा र  ऐजाजुल र रामसुरथको भारतको मोतिहारी अस्पतालमा उपचारको क्रममा मृत्यु भएको हो।

पचगछिया टोल ट्रान्सफरमर छेउमा रक्सी पसल सञ्चालन गरेका महाबिर यादवको छोरा राम भरोस यादवले सञ्चालन गरेको मदिरा पसलमा तीनै जनाले एक दिन अघि आईतबार मदिरा सेवन गरेको  बताईरहदा मदिराकै कारण उनीहरुको मृत्यु भएपनि प्रहरीले कुनै कार्वाही अघि नबढाएको स्थानीयले चिन्ता व्यक्त गरका छन्।

बारामा सिमावर्ती गाँउमा  अबैध सञ्चालनमा रहेका यस्ता  दर्रजनौ मदिरा भट्टी जताततै सञ्चालनमा छ । प्रहरीको प्रभावकारी भुमिका कारगर नदेखिएको जनगुनासो बढदै गएको छ।