उपत्यकाका प्रहरीलाई ‘अलर्ट’ बस्न निर्देशन

मुन्ना कुमार–

काठमाडौं, १३ चैत २०८२ – उपत्यका प्रहरी कार्यालय, रानीपोखरीले आफ्ना कर्मचारीहरूलाई तयारी अवस्थामा बस्न निर्देशन दिएको छ। शुक्रबार साँझ जारी गरिएको सर्कुलर अनुसार, शनिबारदेखि प्रहरीहरू चुस्ता पोसाक (बर्दी)मा स्ट्यान्डबाई बस्नेछन्।
यसअघि नेपाल प्रहरी प्रधान कार्यालय, नक्साल र सशस्त्र प्रहरी बलका प्रधान कार्यालयले पनि आफ्ना कर्मचारीहरूलाई बर्दीसहित तयारी अवस्थामा रहन सर्कुलर पठाइसकेको थियो।
उक्त तयारीको पृष्ठभूमिमा, नवनियुक्त गृहमन्त्री सुधन गुरुङले प्रहरी महानिरीक्षक दान बहादुर कार्कीसँग डेढ घण्टा छलफल गरेका थिए। छलफलमा सशस्त्र प्रहरी बलका महानिरीक्षक राजु अर्याल पनि उपस्थित थिए।
सरकारले आजै मात्र जेनजी आन्दोलनको दमनबारे बनेको जाँचबुझ आयोगको प्रतिवेदन कार्यान्वयन गर्ने निर्णय गरेको थियो। यसै सन्दर्भमा उपत्यकाका प्रहरीलाई सतर्क रहन र तयारी अवस्थामा बस्न निर्देशन दिइएको हो।