संवाहक
अनलाइन/ राष्ट्रिय दैनिक
१८ बैशाख,कलैया– जनता समाजवादी पार्टी नेपालको बाराको जिल्ला अधिवेशनको लागि सर्व सहमतिको लागि उत्पन्न विवाद समाधान भएपछि अन्तत: निर्वाचन हुने भएको छ।
प्रथम जिल्ला अधिवेशनबाट चयन हुने नयाँ नेतृत्वको लागि सिद्देश्वर विद्यालय परिसरमा शनिवार मतदान हुने भएको छ ।
वैशाख १३ गते उद्घाटन भएको प्रथम जिल्ला अधिवेशनले सहमतिमा नयाँ नेतृत्व चयन गर्न नसकेपछि निर्वाचन प्रक्रियामा गएको हो।
यसरी , मतदानबाट जित सुनिश्चित गर्न उम्मेदवारहरुले छुट्टा छुट्टै पदाधिकारी सहितका प्यानल बनाई चुनावी प्रचारलाई तिब्र पारेका छन । जसपाका शिर्ष नेताले आ- आफ्ना नजिकका उम्मेद्वारलाई समर्थन गरि निर्वाचनलाई तताएका छन्।
प्यानल घोषणा गर्नेमा अध्यक्ष पदका उम्मेदवार रमेश कुमार यादव सहितको पायनल मजबुत देखिएको छ भने अन्य अध्यक्षका उम्मेदवारहरुले पनि प्यानल घोषणा गर्ने क्रममा छन्।
रमेश कुमार यादव पचरौता नगरपालिकाको निवर्तमान नगर प्रमुख हुन्। यादवको पायनलमा पार्टीका जुझारु समावेशी विभिन्न समुदाय र वर्गको प्रतिनिधित्व हुने गरि पदाधिकारी सहितको पायनल घोषणा गरि चुनावी मैदानमा मतदातासँग भेंटघाट बाक्लो पारेका, उनले बताएका छन्।
अध्यक्ष पदमा पुर्व मेयर रमेश यादवको पायनलमा उपाधयक्ष द्वयमा शिवेन्द्र प्रताप सिंह र पुनम देवी कुशवाहा,कोषाध्यक्षमा बिनोद प्रसाद यादव ,सचिवमा शम्भु गुप्ता, उपसचिव द्वयमा सिकेन्द्र दास र नन्दन गुप्ता पदाधिकारी सहितका रहेका छन्।
जिल्ला कार्यसमितिका लागि राम्रो सक्षम महिला, दलित लगायतका समावेशी सहितको पायनललाई निर्वाचित गराउन मतदातालाई आग्रह गर्दछु, अध्यक्ष पदका उम्मेद्वार रमेश कुमार यादवले भने।
नेतृत्व लिईने चाहना पार्टीमा अन्य साथीको भएपनि हाम्रो टिममा समावेशीतालाई मध्यनजर गरि समेटिएको उपाध्यक्ष सिंहले बताएका छन्। निर्वाचित गर्न आफ्ना अमूल्य मत दिन मतदातालाई आग्रह गरेका छन्।
यसैगरि, उपसचिवका उम्मेद्वार सिकेन्द्र दासले जिल्ला नेतृत्वका पायनल घोषणा गरिएको छ। जिल्ला समिति सर्वसहम्मत हुन नसकेपछि चुनाव लडने प्रतिस्पर्धामा पार्टीमा सक्रिय संघर्ष गरिरहने भएकोले पुर्व रमेश यादवको पायनलमा छु।
समावेशी सहभागितामा अल्पसंख्य दलित जस्तालाई टिममा मलाई अवसर मिलेकोले सम्पुर्ण मतदातालाई कामको मुल्याँकन गरि र घोषित चुनावी पायनल मजबुत, शसक्त र सक्षम भएकोले आफु सहित यस पायनललाई निर्वाचित गराउन उपसचिवका उम्मेद्वार दासले आग्रह गरेका छन्।
अध्यक्ष पदका लागि रमेश प्रसाद यादव,धर्मबीर प्रसाद यादव, धर्मेन्द्र प्रसाद यादव र सुरेन्द्र प्रसाद यादव सहित चार जनाले उम्मेदवारी दर्ता गराएका छन्।
यसैगरि दुई जना उपाध्यक्ष पदका लागि शिवेन्द्र प्रताप सिंह, सुरेन्द्र प्रसाद साह, मो. मुरतुजा अन्सारी, अरुण कुमार सिंह , पुनम कुशवाहा र आनन्द प्रसाद यादवले उम्मेदवारी दिएका छन ।
त्यस्तै, एक जना सचिव पदका लागि मुकेश कुमार पाण्डे र राम निवास प्रसाद यादव गरि दुई जनाले उम्मेदवारी दिएका छन ।
दुई जना सहसचिवका लागि ६ जनाको उम्मेदवारी परेको छ । सहसचिवमा सिकेन्द्र दास, लक्ष्मि प्रसाद यादव, नन्दन गुप्ता, सुनैना कुमारी चौधरी , धनसुनर यादव र मोकदम मियाँ ठाकुरले उम्मेदवारी दिएका छन ।
साथै एक जना कोषाध्यक्षका लागि विनोद प्रसाद यादव, शारदा यादव, सुमिन्त्रा देवी चौधरी र पवन सर्राफ गरि चार जनाले उम्मेदवारी दिएका छन ।
५० जना सदस्यका लागि कुल ९२ जनाले उम्मेदवारी दिएको निर्वाचन समितिले जनाएको छ ।
