कलैया । मधेश प्रदेशका मुख्यमन्त्री सतिशकुमार सिंहको अनुगमनका क्रममा रिपोर्टिङ गर्न पुगेका साझेदारी राष्ट्रिय दैनिकका संवाददाता संदिप प्रसाद यादवलाई योगशिला हस्पिटल प्रा.लि का संचालक पवन गुप्ताले धम्की दिदै दुर्व्यवहार गरेेको छ।
बाराको कलैया उपमहानगरपालिका वडा नम्बर -६ हस्पिटल रोडमा संचालित योगशिला हस्पिटलमा मुख्यमन्त्री सिंहले शनिबार अनुगमन तथा छडके गर्ने क्रममा रिपोर्टिङ गर्न पुगेका पत्रकार यादवलाई संचालक गुप्ताले गोलि मार्ने धम्की दिएका हुन् ।
पत्रकार यादवले सडकबाट उक्त हस्पिटलको फोटो खिच्ने क्रममा संचालक गुप्ता र डाक्टर सुमन प्रसाद साहले उनको मोबाइल नियन्त्रणमा लिदै उक्त फोटो डिलेट गराउन लगाउदै प्रेस कार्ड खोसी त पत्रकार होइन,तलाई पत्रकारको अपशब्द थाहा छैन भनि दुर्व्यवहार गरेको पत्रकार यादवले बताएका छन्।
मोटरसाइकलमा बसेका पत्रकार यादवलाई उनिहरुले हस्पिटलको प्राङ्गणमा घेरेर राखी सर्वसाधारणको अगाडि विभिन्न अश्लील शब्द पनि प्रयोग गर्दै गालीगलैंच गरेका थिए ।
हस्पिटलका डाक्टर सुमन प्रसाद साह समेत पत्रकार यादवलाई दुर्व्र्यवहार गरेका छन् । जिल्ला प्रहरी कार्यालय बाराबाट खटिएको प्रहरीले उक्त हस्पिटलका संचालक गुप्तालाई नियन्त्रणमा लिएको छ । भने डाक्टर सुमन प्रसाद गुप्ता फरार रहेका छन् ।
