संवाहक
अनलाईन / राष्ट्रिय दैनिक
२४ माघ, कलैया— बारामा सवारी दुर्घटनामा परी १ जना पुरूष व्यक्तिको मृत्यु भएको प्रहरीले जनाएको छ।
ट्याक्टरले विपरित दिशा तर्फ आउदै गरेको मोटरसाईकललाई ठक्कर दिदा बारा कलैया उप-महानगरपालिका वडा – १६ मझौलिया टोल बस्ने अं. ३१ को बिजयकुमार महतोको मृत्यु भएको छ।
माघ २३ गते राती करिब ९ बजे दुर्घटना भएको हो। दुर्घटनामा परि पछि घाइते महतोको विरगंज स्थित अस्पतालमा उपचारको क्रममा मृत्यु भएको हो।
जीतपुरसिमरा उप-महानगरपालिका वड नं. २४ हरपुर पुल स्थितमा श्रीपुरबाट मिलनचोक तर्फ जाँदै गरेको ना ३ त ८४१९ नं. को ट्याकटरले नितपुरबाट हरपुर तर्फ आउँदै गरेको ना ६५ प ५५०५ नं. को मोटरसाईकललाई ठक्कर दिदाँ घाईते भई उपचारको लागी बीरगंजको ब्योधा अस्पतालमा भर्ना गरी उपचारको क्रममा गएराती सावा १० बजेको समयमा महतोको मृत्यु भएको बारा प्रहरीले जनाएको छ।
ठक्कर दिने ट्याक्टर प्रहरीको नियन्त्रणमा रहेको र ट्याक्टर चालक फरार रहेको प्रहरीले जनाएको छ।
