संवाहक
अनलाईन/ राष्ट्रिय दैनिक पत्रिका
२९ पुस, कलैया— एमाले र कांग्रेसको वर्तमान सरकार लामो समयसम्म टिकिरहेनमा अशंका रहेको एकीकत समाजवादी नेपालका केन्द्रिय अध्यक्ष एवम् पुर्व प्रधानमन्त्री माधव नेपालले बताएका छन्।
बाराको कलैया स्थित करणराज होटलमा नेपाल कम्युनिष्ट पार्टी एकीकृत समाजवादीले आयोजना गरेको अगुवा कार्यकर्ता प्रशिक्षण कार्यक्रमलाई सम्बोधन गर्दै उनले यस्तो बताएका हुन् ।
प्रधानमन्त्री केपी ओलीले आफनो दम्भमा एक्लै सरकार चलाउन खोजेकोले अन्य दल रुष्ट भएकोले सरकारको आयु लामो नरहेको बताए ।
आफुहरू नेकपा माओवादी, जसपा नेपाल, विप्लव लगायतको पार्टीसंगको समाजवादी मोर्चालाई सक्रिय गरी अघि बढने छलफल समेत भईरहेको बताए
पालिकामा अस्पताल बनाउने योजनालाई विकासको ढिडढोरा पिटेर भएन। खर्व बजेट लगाई विशाल भवनको निर्माण त हुन्छ, तर दक्ष डाक्टर, प्रविधि र प्राविधिक नहुँदा खण्डहर भएर बजेट बालुवामा पानी हाले सरह हुन्छ, अध्यक्ष नेपाल भने ।
प्रत्येक पालिकाको सट्टा जिल्ला स्तरमा सुविधा सम्पन्न अस्पताल निर्माण हुँदा विरामीहरू सेवा लिनुको साथै बजेटको अन्य विकासको कार्यमा लागु गर्न सकिने उनले टिप्णी गरेका हुन्।
निजगढ विमानस्थल, फास्ट ट्रयाक बजेटको अभावमा हैन कि सरकारको लापरवाहीले ढिलासुस्ती भएको आरोप लगाए । भिजन बिनाको सरकारले गफ मात्रै दिने उनले बताए । अनावश्यक ठाँउको बजेट काटेर राष्ट्रिय स्तरको गौरवको योजनामा लगानी गरे देश विकासको फडको मार्नेमा उनले जोड दिए ।
पदको लागि लडने मात्रै होईन काम पनि गरेर देखाउनु पर्ने हुन्छ। पार्टीले प्रत्येक चार महिनामा मुल्यांकन प्रतिवेदन केन्द्रीय कमिटिमा पठाउनु पर्ने प्रवाधान लागु गरेको छ।
यसरी प्रतिवेदनको अधारमा पद कायम गर्ने व्यवस्था गरिएकोले कसैले हतास मान्सिक्तामा नकि मनोबल उच्च बनाएर पार्टिको कामसँगै नागरिकको काममा पनि अवाज बुलन्द गरि जुटनु पर्ने निर्देशन दिए।
मिसन २०८४ को लागि कार्यकर्तालाई तयार रहन पार्टी अध्यक्ष नेपालले निर्देशन दिएका थिए । वडा देखि पालिका सम्मको लागि प्रत्येक उम्मेदवारले आफनो पकड मजबुत बनाई तयारीमा जुटन सुझाए।
उक्त प्रशिक्षण कार्यक्रम जिल्ला अध्यक्ष विजेन्द्र चौधरीको अध्यक्षतामा सम्पन्न भएको थियो ।
प्रतिक्रिया
Leave a Reply