संवाहक
अनलाईन/ राष्ट्रिय दैनिक
१० पुस, बारा — बारामा सिम्रौनगढ र अमृतगंज खजानी प्रहरीको संयुक्त टोलीले ८ गते राती सावा आठ बजे सिम्रौनगढ नगरपालिका -४ हरिहरपुरबाट ४३ किलो लागू औषध गाँजा सहित भारतिय कार नियन्त्रणमा लिईएको बारा प्रहरीले जनाएको छ।
ईलाका प्रहरी कार्यालय सिम्रौनगढ र प्रहरी चौककी अमृतगंज खाजानीबाट खटिएको संयुक्त गस्ति टोलीले गस्ति गर्दै जाने क्रम्मा तेलकुवाबाट सिम्रौनगढ तर्फ जादै गरेको BR 01 AU1107 नम्बरको कार भित्र सो परिमाण बराबरको ५ पोका लागू औषध गाजा बरामद गरिएको हो।
प्रहरीलाई देखी कार चालक तत्काल कार छाडी फरार भएको हुँदा शंकास्पद लागी उक्त कार चेकजाँच गर्दा कार भित्र लुकाई छिपाई राखेको लागू औषध गाँजा बरामद गरी कार नियन्त्रणमा लिई आवश्यक कानूनी प्रकृया अगाडी बढाईएको जिल्ला प्रहरीका निमित सुचना अधिकारी प्रहरी निरिक्षक बलराम श्रेष्ठले जानकारी गराएका छन्।
