संवाहक
४ मंसिर, कलैया । बाराको विश्रामपुर गाँउपालिका -१ स्थित छतवा टोलमा एक प्राथमिक विद्यालय भवनको गाँउपालिका अध्यक्ष जुल्फकार अली (जुबेर ) ले शिलान्यास गरेका छन्।
नेपाल राष्ट्रिय अधारभुत बिधालय छतवाकाे ४ कोठे भवनको लागि गाँपालिकाको रु ५५ लाखको लागतमा निर्माण गरिने भवनको आजएक कार्यक्रमका बिच शिलान्यास गरिएको हो।
कक्षाकोठाको अभावमा कोही पनि विद्यार्थीलाई पठनपाठनमा अप्ठयारा नहोस्। शिक्षा प्राप्त गर्न पाउनु हरेक बालबालिकाको नैसर्गिक अधिकार हो र यसको लागि कक्षाकोठाको भवन सोही लक्ष्य अनुरुप शिक्षामा लगानी अघि बढाईएको उनले जनाएका छन्।
विद्यार्थीको बढदो चाप र गुणस्तरीय शिक्षाको लागि आवश्यकता अनुरुप भौतिक पुर्वाधार निर्माणले शिक्षामा फडको मार्ने उनले बताएका छन्। शैक्षिक बातावरण सुधारको लागि सुविधा सम्पन्न संरचनामा बालबालिकाले सहज ढंगले शिक्षा हासिल गर्ने अवसर निश्चित भएको गापा अध्यक्ष अलि ( जुबेर) ले बातएका छन्।
सो अवसरमा विश्रामपुर गापा उपाध्यक्ष प्रियंका देवी साह, वडा अध्यक्ष संतोष कुमार पटेल , वडा सदस्य अमिन मियाँ , मंजूर आलम , बिद्यालयकाे प्रधानध्यापक देवलाल प्रसाद यादव ,समाजसेवी कृष्णा साह लागयत स्थानियको उपस्थिति रहेको संचारकर्मी शर्मा बैठाले बताएका छन्।
Leave a Reply