यादव हत्या आरोपमा ५ जनालाई प्रहरीद्धारा पक्राउ, शव सहित कलैयामा प्रदर्शन

नियन्त्रणमा लिएका सबै जना स्थानीय रहेको बाराका प्रहरी प्रवक्ता प्रकाश सापकोटाले जानकारी गराएका छन् । उनीहरुमाथि अनुसन्धान भईरहेको छ

शनिवार करिब साढे ८ बजेकोको समयमा महागढीमाई नगरपालिका – १  सेमरा तेगछिया र नायकाटोला बिचमा नायकाटोलाका ५५ बर्षीय श्रीनारायण यादवको घाँटीमा धारिलो हतियार प्रहार गरिएको थियो ।मृतक यादवको घाँटी नै अलग हुने गरि क्रुर तवरले हत्या भको हो।

हत्याको कारणको एकिन  बिषय अहिले भने खुली नसकेको र त्यस बिषयमा अनुसन्धान भईरहेको प्रहरी प्रवक्ता सापकोटाले जानकारी दिएका छन्।

मृतक यादवको शव परिक्षण पश्चात परिवारजनलाई जिम्मा लगाइएको छ ।अहिले सो क्षेत्रमा ब्यापक प्रहरी परिचालन गरिएको जिल्ला प्रहरी कार्यालयले जनाएको छ ।

यता शव राखेर कलैयाको भरत चोकमै  आफन्तजन परिवार स्यानिय लगायतका हत्यारालाई छिट्टो पक्राउ गरि सार्बजनिक गर्न प्रहरी प्रशासनसँग माग गरेको छ।