जनकपुरधाम– मधेश प्रदेशका ८ राज्य मन्त्रिहरु पदभार सम्भालेको ८ दिनमै बर्खास्तिमा परेका छन्।
सिके राउत नेतृत्वका जनमतबाट मधेशका मुख्यमन्त्री सतिशकुमार सिंहले जम्बो मन्त्रिमण्डलको आलोचना थेग्न नसकि सत्ता साझेदार सहितका ८ जना राज्यमन्त्रीहरूलाई आज हटाएका छन्।
एमालेबाट ३, कांग्रेसबाट २, जनमतबाट २, लोसपाका एक राज्यमन्त्रीले साउन २२ गते पदभार ग्रहण गरेका थिए।
राज्यमन्त्रीहरु रेखा ठाकुर, निलकुमारी रजक, रामबाबु यादव, शम्भु साह, मोहम्मद जैद आलम, केशव राय, शारदादेवी थापा र रञ्जुकुमारी मण्डल खंगलाई पदमुक्त गरिएको जनाईएको हो ।
अब मधेस सरकारमा कांग्रेस, एमालेका ४/४ ,जनमतका मुख्मयन्त्रीसहित ३ र लोसपाका १ गरि १२ सदसिय मन्त्रिहरु छन्। नयाँ कार्यभार सहित मन्त्रीमण्डल पुनर्गठन गरेको छ।
मधेसमा मुख्यमन्त्रीले अहिलेसम्मकै धेरै २० सदस्यीय मन्त्रिमण्डल बनाएको भन्दै उपेन्द्र यादव नेतृत्वको जनता समाजवादी पार्टी नेपालले आन्दोलन गर्दै आएको थियो।
जनमत पार्टीले कहि फरक गर्छ भन्ने आशातित नागरिकमा सरकारको कार्यशैलीले व्यापक आलोचना हुँदै आएका थिए। सांसदलाई ५ करोड दिने विवादीत र सत्ता जोगाउन मन्त्रि थप्ने अदुरदर्शि भिजनमा सत्ता घटक नै उदाङ्गिएका छन्।
