राजश्व छलीका ६५ हजार बराबरको समान प्रहरीको नियन्त्रणमा

संवाहक

अनलाईन/ राष्ट्रिय दैनिक

सरोज दास–

२८ फाागुन, कलैया– विशेष सूचनाको आधारमा प्रहरी चौकी दक्षिण झिटकैयाले २७ गते फागुन साढे १० बजेको समयमा देवताल गाँउपालिका – २ गमहरियामा भारतबाट नेपाल तर्फ भन्सार छली गरी ल्याउदै गरेको ६५ हजार बराबरको समान नियन्त्रणमा लिइएको बारा प्रहरी प्रमुख एसपी संतोष तामङले जानकारी गराएका छन्।

जिल्ला प्रहरी कार्यालय बारा मातहतका प्रहरी ईकाइबाट खटिएको प्रहरी टोलीले गाडीहरूलाई रोकी चेकजाँच गरेका थिए।

चेेकजाँचको क्रममा बिल भरपाई भन्दा बढी र समानको स्रोत खुलाउन नसकेको लेडिज चप्पल-५० पिस अं.मुल्य रु.२५ हजार,
जेन्स चप्पल-५१ पिस अं.मुल्य रु.२५ हजार ५ सय, १ बोरा पिचकारी अं.मुल्य रु.५ हजार रहेको छ ।

यस्तै, अबिर १ बोरा अं.मुल्य रु.४ हजार ५ सय, १ बोरा नाकाब पिचकारी अं.मुल्य रु.५ हजार २ सय ५० गरी अं.मुल्य रू. ६५ हजार २ सय ५० रुपैया बराबरको समानहरू नियन्त्रणमा लिई आवश्यक कानूनी कारवाहीको प्रकृया अगाडी बढाइएको प्रहरी प्रवक्ता एवम् सूचना अधिकारी डिएसपी विजय राज पण्डितले जानकारी गराएका छन्।