संवाहक
५ मंसिर, कलैया । बारा प्रहरीले बिभिन्न मुद्दामा अदालतबाट दोषी ठहर भई कैद सजाए जरिवाना पाई फरार रहेका ५ जनाले प्रतिवादीलाई पक्राउ गरेेको छ।
कारवाहीको सिलसिलामा यस जिल्ला प्रहरी कार्यालय मातहतका प्रहरी ईकाइ कार्यालयहरूबाट खटिएको प्रहरी टोलीले बारा जिल्ला अदालत कलैयाबाट दण्ड सजाय तोकिएका बिभिन्न मुद्दामा बरदात पश्चात फरार रहेका पाँचै जना मानिसहरूलाई खोज तलास गरी लुकिछिपि बसेको अवस्थाबाट आज पक्राउ गरी आवश्यक कारवाहीको लागि जिल्ला अदालतमा दाखिला गरिएको प्रहरीले जनाएको छ।
पक्राउ पर्नेमा पचरौता नगरपालिका – ७ का दिनानाथ सहनी चेक अनादर मुद्दामा रु ५ सय जरिवाना पाई फरार रहेका थिए।
यस्तै, सिम्रौनगढ नगरपालिका -७ का नन्दकिशोर प्रसाद यादव चेेक अनादर मुद्दामा ५ सय जरिवाना , वडा नं.- ४ का रुपेश कुमार पंडित चेक अनादर मुद्दामा रु ५ हजार जरिवाना, वडा नं-१० कि नैनवा देवी कुटपिट लुटपिट मुद्दामा दोषी करार भई ३ हजार जरिवाना पाई फरार अवस्थामा रहि लुकीछिपी बस्दै आएका थिए ।
त्यसैगरि महागढीमाई नगरपालिका – १ सेमरा तेगछियाका सुरेश पंडित कुम्हार चेेक अनादर मुद्दामा रु १ हजार जरिवाना पाई फरार रहेको अवस्थामा उनी सहित पाँचै जनालाई प्रहरीले पक्राउ गरिएको प्रहरी उपरिक्षक प्रकाश सापकोटाले जनाएका छन्।
Leave a Reply