संवाहक
५ मंसिर, कलैया । बारा प्रहरीले विभिन्न मुद्दाका ८ जना फरार प्रतिवादीहरू पक्राउ गरेको छ।
प्रहरी कारवाहीको सिलसिलामा जिल्ला प्रहरी कार्यालय मातहतका प्रहरी ईकाइ कार्यालयहरूबाट खटिएको प्रहरी टोलीले उनिहरुलाई पक्राउ गरेका हुन्।
बारा जिल्ला अदालत कलैयाबाट दण्ड सजाय तोकिएका मुद्दामा बरदात पश्चात फरार रहेका मानिसहरूलाई खोज तलास गरी लुकिछिपि बसेको अवस्थाबाट मंसिर ४ गते पक्राउ गरी आवश्यक कारवाहीको लागी जिल्ला अदालत, कलैयामा दाखिला गरिएको प्रहरीले जनाएको छ।।
पक्राउ पर्नेमा निजगढ नगरपालिका – ८ का नानसाईलि भन्ने माया गोलेलाई लागू औषध मुद्दामा ५ महिना २८ दिन कैद र ५ हजार जरिवाना तोकिएको छ।
त्यस्तै,सोही ठाँउका अर्जुन थापा भन्ने बालकृष्ण थापा लागू औषध मुद्दामा ५ महिना २८ दिन कैद र २ हजार जरिवाना, ईन्दीरा थापलाई लागू औषधमा २० दिन कैद र २ हजार जरिवाना रहेको छ।
निजगढ न.पा.९ का खडक राज मैनालीलाई चेक अनादर मुद्दामा १ महिना कैद सहित ५ सय जरिवाना, नएजगढ न.पा. – २ का
सागर राईलाई सवारी दुर्घटनामा १ वर्ष कैद सहित १ हजार जरिवानामा पक्राउ परेका छन्।
त्यसैगरि विश्रामपुर गाँउपालिका-२ बरैनियाका रुपेश यादव भन्ने अर्जुन राय यादवलाई डाँका मुद्दामा १ बर्ष कैद १० हजार ५ सय जरिवानामा समातिएको छ।
त्यस्तै, परवानीपुर गाँउपालिका -३ लिपनिमालका जयप्रकाश प्रसाद यादवलाई कुटपिट अंगभग मुद्दामा २ हजार जरिवाना र
कलैया उपमहानगरपालिका – ४ अदालत रोडका शिव मंगल राम चेक अनादर मुद्दामा ५ सय जरिवानामा प्रहरीले पक्राउ गरेका छन्।
पक्राउ परेका आठै जनालाई अदालतमा दाखिला गरिएको प्रहरी नायब उपरिक्षक प्रकाश सापकोटाले जानकारी गराएका छन्।
प्रतिक्रिया
