२० कार्तिक,बारा —  जिल्लामा शान्ति सुरक्षा र सुशासन बहाल सँगै कसैको दबाब र प्रभावमा नपरि ईमान्दारीका साथ सेवा प्रवाहमा सुधारको अनुभुति गराउने बाराका प्रमुख जिल्ला अधिकारी धर्मेन्द्र कुमार मिश्रले  बताएका छन्।

नयाँ सिडियोको रुपमा हाजीर भएसँगै जिल्ला प्रशासन कार्यालय बाराका आज सञ्चारकर्मीहरूसँगको परिचयात्मक कार्यक्रममा यस्तो बताएका हुन्।

उनले मातहतका कार्यालयहरूमा परिवर्तन आफैबाट सुरु गरी जिल्लाका सबै कार्यालयलाई पारदर्शी बनाउने प्रतिबद्धता व्यक्त गरे।

खुला सिमानाका चुनौतीहरूबारे चर्चा गर्दै प्रजिअ मिश्रले चोरी निकासी पैठारी रोक्ने, गैरकानुनी कार्यहरू नियन्त्रण गर्ने र सीमा वारपार हुने अवैध गतिविधिहरूलाई नियन्त्रणमा कदम चाल्ने बताए।

कर्तव्यनिष्ट राष्ट्रसेवक भएर समन्वय सहकार्य र सह अस्तित्व सिद्धान्तमाएउटा प्रजिअले गर्ने कार्य ईमान्दार भई निरॐवाह गर्ने छु, उनले भने।

उनले जेन्जी पुस्ताको भावनालाई बुझेर उनीहरूको मुद्दालाई प्राथमिकता दिने र गृह मन्त्रालयबाट आएको ६२ बुँदे निर्देशन कार्यान्वयन गर्ने बताए।

सार्वजनिक कार्यक्रमहरूमा माला खादा लगाउनुभन्दा काममा जोड दिने धारणा राख्दै उनले सुरक्षाकर्मीहरूको मनोबल उच्च राख्न निर्देशन दिए, किनभने मनोबल गिराए जिल्लाकै मनोबल गिर्ने बताए।

प्रजिअ मिश्रलाई जिल्लाको बस्तु स्थिति बारे जानकारी गराउदै खुुलारुपमा भईरहेको तस्करी नियन्त्रणगर्न सुझाए। , साथै दिनदहाडै घरमा चोरी, लुटपाट र मोटरसाईकल चोरीको घटनामा वृद्धि हुनुमा जनता त्रसित भई प्रहरीको कार्यशैलीबाट असन्तुष्ट रहेकोले यस तर्फ सिडियो मिश्को  ध्यानाकर्षण गराएका थिए।  

उक्त परिच्यात्मक कार्यक्रममा नेपाल पत्रकार महासंघ बाराका अध्यक्ष रमेश सुवेदी, के. स. सिकेन्द्र पासवान, प्रदेश सदस्य साजिर मसुर  उपाध्यक्ष पन्नालाल दास, उपेन्द्र ठाकुर, अनिल तिवारी, रबिन्द्र सिंह, जिउत यादव,मनोज साह, अरुण कुशवाहा लगायतका सञ्चारकर्मीहरूले बाराका समग्र सुरक्षा चुनौतीका विषयमा आफ्ना सुझावहरू राखेका थिए।

उक्त कार्यक्रममा जिल्ला प्रहरी कार्यालय बाराका प्रहरी उपरीक्षक सन्तोष तामाङ, सशस्त्र प्रहरीका सप्रउ खुम केसी अनुसनॐधानका प्रमुख सरोज निरौला , सहायक प्रमुख जिल्ला अधिक छविरमण भट्टराई गायतका सुरक्षा अधिकारीहरूसँगै कलैया उपमहानगरपालिकाको प्रमुख प्रशासकिय अधिकृत समेतको उपस्थिति रहेका थिए।