व्रतालुहरुले बुधबार ‘खरना’ विधिअन्तर्गत ‘रस्याउ रोटी’ अर्थात् दूध र गुँड हालेर पकाइएको खिर (रस्याउ) र रोटी/पुरी खानेछन् । बिहीबार दिनभरि निर्जल निराहार बसेर व्रत बस्ने छन् । त्यस दिन साँझ व्रतालु तथा तिनका परिवारका सम्पूर्ण सदस्यहरु घर नजिकको पोखर, नदी, सरोवर आदि जलाशय निर्मित आकर्षक छठी घाटमा पुग्नेछन् । नयाँ-नयाँ वस्त्र लगाएका व्रतालुका परिवारजनले पूजा सामग्री राखिएको बाँसको दौउरा छैंटा टाउकोमा बोकि घाटसम्म लग्नेछन् ।
छठ घाटमा व्रतालुहरुले बिहीबार साँझ अस्ताउँदै गरेको सूर्यलाई बाँसको सुपुलीमा नरिवललगायत पूजा सामग्रीको अर्घ्य दिईने छन् । त्यसपछि घण्टौ घाटमा बसेर पूजाअर्चनामा लिन हुन्छन् । केही व्रतालु राति घर फर्केर आँगनमा कोसी भर्ने विधि गर्छन् । माटोको हात्तीलाई पूजा गर्ने यो विधिले व्रतालुहरुको मनोकांक्षा पूरा हुने धार्मिक विश्वास छ ।
यसरी कोसी भर्दा परिवारका सदस्य, आफन्त, छरछिमेकका पनि त्यहाँ पूजाअर्चना गर्न आइपुग्छन् । घाटमै बसेका व्रतालुहरु भने रातभरि त्यही भजनकीर्तन गर्छन् । घटा सेवन गरि विहानको सुर्य भगवान दिनानाथलाई अर्घ्य दिई पारना गरि छठ पर्व सम्पन्न हुनेछ।
ब्रताुलु अंकमालगरि एकआपसमा शुभुकामना अदानप्रदान सँगै शुभाशिस दिने र थाप्ने गर्दछन्। गाउँ टोलका मन्दिर पुजनगरि अनजल ग्रहण गरि छठी माताको कठोर निराहार व्रत सकिनेछ।